ذَاتُ الرِّقَاعِ [Žâtu’r-Riḵâʹ] Nuḣayl kurbünde bir dağın adıdır ki onda kırmızı ve ak ve siyâh بُقْعَةٌ [buḵʹat]lar vardır. Orada hicretin sâlisesinde bir gazve vâkiʹ olmuştur. Gazve-i Žâtu’r-Riḵâʹ meşhûrdur, بِقَاعٌ [biḵâʹ]-ı merkûmeyi müştemil olduğu için cebel-i mezbûra Žâtu’r-Riḵâʹ ıtlâk ve gazve ona izâfe olundu. ʹAlâ-kavlin ashâb-ı gazâ bi’l-cümle piyâde olup taşlardan ve dikenlerden ayakları çâkçâk olmakla üzerine hırkalar sardıklarından nâşî Žâtu’r-Riḵâʹ ıtlâk olundu.
Sitemizde detaylı hızlı ve kolay arama ekranı