اَلسَّرْبَةُ [es-serbet] (حَرْبَةٌ [ḩarbet] vezninde) Kırba ve matara ve sâ΄ir meşinden ve sahtiyândan dikilmiş nesnelerin dikiş yerlerine ve derzlerine denir, خَرْزَةٌ [ḣarzet] gibi. Ve
سَرْبَةٌ [serbet] Sefer-i karîb maʹnâsınadır.
اَلسُّرْبَةُ [es-surbet] (تُرْبَةٌ [turbet] vezninde) Gidecek yere denir, مَذْهَبٌ [mežheb] maʹnâsına. Ve yola denir, طَرِيقَةٌ [ṯarîḵat] maʹnâsına. Ve yirmiden otuza varınca at sürüsüne denir. Ve bâgda üzüm teveğinin sırasına denir ki bizim diyârlarda baran taʹbîr olunur. Ve
سُرْبَةٌ [surbet] Göğüsün ortasından karına varınca biten kıllara denir. Ve bir bölük hurmâ ağaçlarına denir. Cemʹi سُرَبٌ [surb] gelir hâ’sız.
اَلسُّرْبَةُ [es-surbet] (sîn’in zammıyla) Kıtʹa maʹnâsınadır; yukâlu: مَرَّ بِى سُرْبَةٌ أَيْ قِطْعَةٌ مِنْ قَطًا وَخَيْلٍ وَحُمُرٍ وَظِبَاءٍ Ve
سُرْبَةٌ [surbet] Mezhebe dahi derler; yukâlu: فُلَانٌ بَعِيدُ السُّرْبَةِ أَيْ بَعِيدُ الْمَذْهَبِ
Sitemizde detaylı hızlı ve kolay arama ekranı