اَلْمَشْرِقُ [el-maşriḵ] (مَجْلِسٌ [meclis] vezninde) Güneş tulûʹ edecek semt ve cihete denir ki Fârisîde hâver ve Türkîde gün doğusu taʹbîr olunur. Mü΄ellifin Baṡâ΄ir’de beyânına göre مَشْرِقٌ [maşriḵ] ve مَغْرِبٌ [maġrib] lafzları sîga-i ifrâd ile zikr olundukta murâd şark ve garb cihetleridir ve tesniye bünyesiyle zikr olunursa şitâʹ ve sayf matlaʹ ve magribleri irâde olunur ve cemʹ sîgalarıyla zikr olunursa her günün yâhûd her faslın derece-i matlaʹ u magribi irâde olunur. Ve minhu kavluhu taʹâlâ: ﴿رَبُّ الْمَشْرِقِ وَالْمَغْرِبِ﴾ ve kavluhu taʹâlâ: ﴿رَبُّ الْمَشْرِقَيْنِ وَرَبُّ الْمَغْرِبَيْنِ﴾ ve kavluhu taʹâlâ: ﴿بِرَبِّ الْمَشَارِقِ وَالْمَغَارِبِ﴾ Ve
مَشْرِقٌ [Maşriḵ] Magribde bir dağın ismidir.
اَلْمُشَرَّقُ [el-muşerraḵ] (mîm’in zammı ve râ’nın fethi ve teşdîdiyle) Musallâ maʹnâsınadır. Ve
مُشَرَّقٌ [Muşerraḵ] Mescid-i Ḣayf’a dahi derler.
Sitemizde detaylı hızlı ve kolay arama ekranı