اَلنَّبِيتُ [en-nebît] (أَمِيرٌ [emîr] vezninde) خَبِيتٌ [ḣabît] kelimesine itbâʹan zikr olunur ki pek hakîr ve denî ve kemter demek olur; yukâlu: شَيْءٌ خَبِيتٌ نَبِيتٌ أَيْ خَسِيسٌ Ve
نَبِيتٌ [Nebît] Yemen’de bir cemâʹat pederinin lakabıdır, ismi ʹAmr b. Mâlik idi.
نَبَاتٌ [Nebât] (سَحَابٌ [seḩâb] vezninde) ve
نَبَاتَةُ [Nebâbet] (سَحَابَةٌ [seḩâbet] vezninde) ve
نُبَاتَةُ [Nubâtet] (nûn’un zammıyla) ve
نُبَيْتٌ [Nubeyt] (زُبَيْرٌ [zubeyr] vezninde) ve
نَبْتٌ [Nebt] (سَبْتٌ [sebt] vezninde) ve
نُبَيْتَةُ [Nubeytet] (جُهَيْنَةُ [cuheynet] vezninde) Esâmîdendir: Nubeyte bint eḋ-Ḋaḩḩâk sahâbiyyedir, ʹalâ-kavlin bu, šamp;â-yı müsellese iledir, niteki “ث،ب،ت” mâddesinde zikr olundu. Ve muhaddisînden Muḩammed b. Saʹîd b. Nebât en-Nebâtî ceddine mensûbdur. Kezâlik muhaddisînden Aḩmed b. Muḩammed en-Nebâtî nebâtât ve haşâyiş havâssını bildiğinden mensûb olmuştur. Ve şuʹarâdan Ḩuseyn b. ʹAbdurraḩmân en-Nubâtî ki nûn’un zammıyladır, Ebû Naṡr ʹAbdulʹazîz b. ʹÖmer b. Nubâte’den telemmüz eylemekle ona nisbet olunmuştur. Ve ʹAbdurraḩîm b. Muḩammed b. İsmâʹîl b. Nubâte ki Ḣaṯîb ile maʹrûftur, bunun nûn’unun feth ve zammı bâbında ihtilâf olunmuştur ve zammı ekser ve esbettir. Ve ʹAbadân b. Nubeyt el-Mervezî ki زُبَيْرٌ [zubeyr] veznindedir, muhaddisîndendir.
Sitemizde detaylı hızlı ve kolay arama ekranı