نَصِيبُونَ [Naṡîbûn] ve
نَصِيبِينَ [Naṡîbîn] (nûn’un fethalarıyla) Bilâd-ı Rebîʹa’nın kâʹidetü’l-mülkü olan bir belde-i maʹrûfe ismidir. Nisbetinde نَصِيبِينِيٌّ [Naṡîbîniyy] denir ve نَصِيبِيٌّ [Naṡîbiyy] denir, nûn’un iskâtıyla.
نَصِيبِينُ [Neṡîbîn] (nûn’un fethi ve ṡâd’ın ve bâ-i muvahhadenin kesriyle) Bir şehrin adıdır. Ve ʹArab için bunda iki mezheb vardır biri budur ki ism-i vâhid kılıp esmâ-i müfrede-i gayr-i munsarıfa iʹrâbı gibi iʹrâb verirler; yukâlu: هَذِهِ نَصِيبِينُ ve رَأَيْتُ نَصِيبِينَ ve مَرَرْتُ بِنَصِيبِينَ Ve buna nisbet olundukta نَصِيبِيٌّ [Naṡîbiyy] derler ṡâd’ın kesri ve meddiyle. Ve bir dahi budur ki bunu mecrâ-yı cemʹe icrâ ederler: هَذِهِ نَصِيبُونَ ve رَأَيْتُ نَصِيبِينَ ve مَرَرْتُ بِنَصِيبِينَ derler. Ve kezâlike’l-kavlu fî يَبْرِين [Yebrîn] ve فِلَسْطِين [Filesṯîn] ve سَيْلَحِين [Seyleḩîn] ve يَاسَمِين [yâsemîn] ve قِنَّسْرِين [Ḵinnesrîn]. Ve bunun nisbetinde نَصِيبِينِيٌّ [Neṡîbîniyy] ve يَبْرِينِيٌّ [Yebrîniyy] derler. يَبْرِين [Yebrîn] bir maʹrûf kavmin ismidir, rîk-i mahsûs maʹnâsına. Ve فِلَسْطِين [Filesṯîn] fâ’nın kesriyle bir şehrin adıdır Şâm vilâyetinde. Ve سَيْلَحِين [Seyleḩîn] sîn’in fethiyle bir muʹayyen köyün ismidir. Ve قِنَّسْرِين [Ḵinnesrîn] ḵâf’ın ve nûn’un fethi ve teşdîdiyle ve kesriyle Şâm vilâyetinde kezâlik bir şehrin adıdır.
Sitemizde detaylı hızlı ve kolay arama ekranı