اَلْجَاثَلِيقُ [el-câšamp;elîḵ] (šamp;â-yı müšamp;ellešamp;enin fethiyle) Naṡârâ tâ΄ifesinin bilâd-ı İslâm’dan Medînetu’s-selâm’da yaʹnî Baġdâd’da mütemekkin olan re΄îslerine denir ki Anṯâkiyye’de olan بِطْرِيقٌ [biṯrîḵ]in taht-ı yedinde yaʹnî onun tarafından mansûb olur. Selefte Dâru’l-hilâfe Baġdâd, dâru’s-selâm olmakla Antâkiyye’de mütemekkin olan başpapaz yaʹnî patrîk tarafından Baġdâd’da bir keşîş ikâmet eder idi. Ve جَاثَلِيقٌ [câšamp;elîḵ]ten rütbesi dûn olan papaza مُطْرَانٌ [muṯrân] denir ki جَاثَلِيقٌ [câšamp;elîḵ] tarafından mansûb olur. Ve ondan sonra أُسْقُفٌّ [usḵuff]tur ki مُطْرَانٌ [muṯrân] tarafından her beldeye irsâl olunan keşîştir. Baʹdehu قِسِّيسٌ [ḵissîs] baʹdehu شَمَّاسٌ [şemmâs]tır. Şârihin beyânına göre جَاثَلِيقٌ [câšamp;elîḵ] katolik muʹarrebidir. Ve hâlen konsol yaʹnî konsolos taʹbîr ettikleridir. Zâhiren elfâz-ı mezkûrenin mecmûʹu muʹarrebdir. Meselâ بِطْرِيقٌ [bitrîḵ] patrik ve شَمَّاسٌ [şemmâs] zankoz muʹarrebidir. Hâlen Rûm lisânında bunların kimine piskopos ve kimined despot derler ve kimine metrepolit derler. Gâlibâ مُطْرَانٌ [muṯrân] bunun muʹarrebidir. Ve قِسِّيسٌ [ḵissîs] keşîş muʹarrebidir.
Sitemizde detaylı hızlı ve kolay arama ekranı