اَلأَحْقَبُ [el-aḩḵab] (أَقْرَبُ [aḵreb] vezninde) Şol yaban eşeğine denir ki karnı beyâz ola yâhûd حَقَبٌ [ḩaḵab] dedikleri zikr olunan yeri beyâz ola. Ve
أَحْقَبُ [Aḩḵab] Naṡîbîn cinlerinden ki gelip Resûl-i ekrem sallallâhu ʹaleyhi ve sellem hazretlerinden Kur΄ân-ı kerîm istimâʹ eylediler, bir cinnî ismidir. Mütercim der ki o cinnîler beş nefer oldukları mervîdir. İsimleri budur: خَسٌّ [Ḣass] ḣâ-yı muʹcemenin fethi ve sîn’in teşdîdiyle, مَسٌّ [Mess] خَسٌّ [ḣass] vezninde, شَاصَةُ [Şâṡat], بَاصَةُ [Bâṡat], أَحْقَبُ [Aḩḵab]dır.
اَلْأَحْقَبُ [el-aḩḵab] (hemzenin ve ḵâf’ın fethiyle) Hımâr-ı vahşî. Mezbûr bununla tesmiye olundu, böğürleri beyâz olduğundan ötürü gûyâ ki karnı altına حَقَبٌ [ḩaḵab] çekilmiştir.
Sitemizde detaylı hızlı ve kolay arama ekranı