Kamus-ı Muhit - شمول maddesi

اَلشَّمُولُ [eş-şemûl] (صَبُورٌ [ṡabûr] vezninde) ve

اَلْمَشْمُولَةُ [el-meşmûlet] Bâdeye ıtlâk olunur, ʹalâ-kavlin bârid olanına denir, râyihasını nâsa şâmil eylediğinden yâhûd شَمَالٌ [şemâl] yeli gibi عَصْفَةٌ [ʹaṡfet] ve nesemesi olduğundan ıtlâk eylediler; yukâlu: سَقَاهُ الشَّمُولَ وَالْمَشْمُولَةَ أَيِ الْخَمْرَ أَوِ الْبَارِدَةَ Ve

شَمُولُ [Şemûl] Bir çengî hatun ismidir.

اَلشَّمْلُ [eş-şeml] (حَمْلٌ [ḩaml] vezninde) Bir nesneyi sol tarafa ve sol ele ve sol yana almak maʹnâsınadır; yukâlu: شَمَلَ بِهِ شَمْلًا مِنَ الْبَابِ الْأَوَّلِ إِذَا أَخَذَهُ ذَاتَ الشِّمَالِ Ve bir nesneyi serinlemek ve soğumak için شَمَالٌ [şemâl] yeline karşı komak maʹnâsınadır; yukâlu: شَمَلَ الْخَمْرَ إِذَا عَرَضَهَا لِلشَّمَالِ فَبَرَدَتْ Ve koyun kısmının memesine شِمَالٌ [şimâl] dedikleri keseyi geçirip bağlamak maʹnâsınadır; yukâlu: شَمَلَ الشَّاةَ شَمْلًا مِنَ الْبَابِ الثَّانِي وَالْأَوَّلِ إِذَا عَلَّقَ عَلَى ضَرْعِهَا الشِّمَالَ وَشَدَّهُ Ve koyunun memesine geçirecek kese düzmek maʹnâsınadır; yukâlu: شَمَلَ الشَّاةَ إِذَا جَعَلَ لَهَا شِمَالًا Ve

شُمُولٌ [şumûl] ʹUmûm maʹnâsınadır, ke-mâ se-yuzkeru. Ve

شَمْلٌ [şeml] ve

شُمُولٌ [şumûl] Bir nesneyi شَمْلَةٌ [şemlet] dedikleri ihrâmla örtüp bürümek maʹnâsınadır; yukâlu: شَمِلَهُ شَمْلًا وَشُمُولًا مِنَ الْبَابِ الرَّابِعِ إِذَا غَطَّاهُ بِالشَّمْلَةِ Ve

شَمْلٌ [şeml] Ağaçta olan hurmâları bi’l-cümle devşirmek maʹnâsınadır; yukâlu: شَمَلَ النَّخْلَةَ شَمْلًا مِنَ الْبَابِ الْأَوَّلِ إِذَا لَقَطَ مَا عَلَيْهَا مِنَ الرُّطَبِ Ve

شَمْلٌ [şeml] Kalabalığa ve izdihâma denir; yukâlu: دَخَلَ فِي شَمْلِ الْجَمَاعَةِ أَيْ غِمَارِهَا Ve bunda fethateynle de lügattır.

Vankulu Lugatı - شمول maddesi

اَلشُّمُولُ [eş-şumûl] (zammeteynle) Bir nesneyi ihâta etmek; yukâlu: شَمَلَهُمُ الْأَمْرُ يَشْمُلُهُمْ مِنَ الْبَابِ الرَّابِعِ إِذَا عَمَّهُمْ ve yukâlu: شَمَلَهُ يَشْمُلُهُمْ مِنَ الْبَابِ الْأَوَّلِ لُغَةٌ فِيهِ وَلَمْ يَعْرِفْهَا الْأَصْمَعِيُّ Ve

شُمُولٌ [şumûl] Rüzgâr dönüp şimâlden esmeğe dahi derler; yukâlu: شَمَلَتِ الرِّيحُ تَشْمُلُ شُمُولًا إِذَا تَحَوَّلَتْ شَمَالًا