Kamus-ı Muhit - الخيرة maddesi

اَلْخَيِّرَةُ [el-Ḣayyiret] (كَيِّسَةٌ [keyyiset] vezninde) Medîne-i münevvere’nin ismidir.

اَلْخَيْرَةُ [el-ḣayret] (ḣâ’nın fethi ve yâ’nın sükûnuyla) ve

اَلْخِيرَةُ [el-ḣîret] (ḣâ’nın kesriyle) ve

اَلْخِيرَى [el-ḣîrâ] (ضِيزَى [ḋîzâ] vezninde) ve

اَلْخُورَى [el-ḣûrâ] (طُوبَى [ṯûbâ] vezninde) Bunlar da efʹal-i tafdîl-i mü΄ennestir; yukâlu: إِمْرَأَةٌ خَيْرَةٌ وَخِيرَةٌ وَخِيرَى وَخُورَى

اَلْخِيَرُ [el-ḣiyer] (عِنَبٌ [ʹineb] vezninde) ve

اَلْخِيَرَةُ [el-ḣiyeret] (عِنَبَةٌ [ʹinebet] vezninde) Masdarlardır, bir nesneyi sâ΄ir üzere tafdîl ve tercîh eylemek maʹnâsınadır; yukâlu: خَارَ الرَّجُلُ عَلَى غَيْرِهِ يَخِيرُهُ خِيرَةً وَخِيَرًا وَخِيَرَةً إِذَا فَضَّلَهُ Ve bir nesneyi seçip üründülemek maʹnâsınadır; yukâlu: خَارَ الشَّيْءَ إِذَا انْتَقَاهُŞârih der ki meselâ مُحَمَّدٌ خِيرَةُ اللهِ kavlinde خِيرَةٌ kelimesi bi-maʹnâ مَخْيُورٌ [maḣyûr]dur. İntehâ. Ve

خِيرَةٌ [ḣiret] إِخْتِيَارٌ [iḣtiyâr]dan ism olur, فِدْيَةٌ [fidyet] ve إِفْتِدَاءٌ [iftidâ΄] gibi. Ve خِيَرَةٌ [ḣiyeret] عِنَبَةٌ [ʹinebet] vezninde kezâlik ism olur, خِيَارٌ [ḣiyâr] gibi ki إِخْتِيَارٌ [iḣtiyâr]dan ismdir ve تَخَيُّرٌ [teḣayyur]dan dahi ism olur, طِيَرَةٌ [ṯiyeret] ve تَطَيُّرٌ [teṯayyur] gibi. Ve baʹzılar خِيرَةٌ [ḣîret] ve خِيَرَةٌ [ḣiyeret] üründülenmiş güzîde nesneye denir dediler, pes مَخْيُورٌ [maḣyûr] maʹnâsına olur, niteki zikr olundu.

Vankulu Lugatı - الخيرة maddesi

اَلْخِيَرَةُ [el-ḣiyeret] (ḣâ’nın kesri ve yâ’nın fethiyle عِنَبَةٌ [ʹinebet] vezni üzere) İsmdir, إِخْتِيَارٌ [iḣtiyâr] maʹnâsına إِخْتَارَهُ اللهُ kavlinden me΄hûzdur. Ve مُخْتَارٌ [muḣtâr] maʹnâsına da gelir; yukâlu: محمد خِيَرَةُ اللهِ مِنْ خَلْقِهِ Ve خِيرَةُ اللهِ demek dahi câ΄izdir إِخْتِيَارٌ [iḣtiyâr] maʹnâsına.

اَلْخِيرَةُ [el-ḣîret] (ḣâ’nın kesri ve meddiyle) İsmdir, خَارَ اللهُ لَكَ kavlinden, “Ḣudâ hayr versin” maʹnâsına.