Kamus-ı Muhit - الدول maddesi

اَلدَّوَلُ [ed-devel] (fethateynle) Elden ele geçen nişân okuna denir ki sâbıktan lâhıka intikâl eylemiş ola.

اَلدُّولُ [ed-Dûl] (dâl’ın zammıyla) Benî Ḩanîfe b. Ṡaʹb b. Luceym cemâʹatinden bir recül ve Bekr b. Vâ΄il kabîlesinden bir cemâʹattir. Ferve b. Nufâšamp;e ki Câhiliyye zamânında hükümrân-ı milket-i Şâm olmuştu, onlardandır. Ve Dûl b. Saʹdumenât b. Ġâmid, Ezd kabîlesindendir. Ve Dûl b. Ḩill b. ʹAdiyy, Ribâb kabîlesindendir.

Vankulu Lugatı - الدول maddesi

اَلدِّوَلُ [ed-divel] (dâl’ın kesri ve vâv’ın fethiyle) Cemʹi.

اَلدُّوَلُ [ed-duvel] (dâl’ın zammı ve vâv’ın fethiyle) Kezâlik cemʹi. Ve Ebû ʹUbeyd eyitti: دُولَةٌ [dûlet] dâl’ın zammı ile bi-ʹaynihi bir nesnenin ismidir ki elden ele ulaştırıp tedâvül olunur. Ve

دَوْلَةٌ [devlet] (dâl’ın fethi ve vâv’ın sükûnuyla) Fiʹldir, mülkte münâvebe maʹnâsına dedi. Ve baʹzılar eyitti: دُولَةٌ [dûlet] ve دَوْلَةٌ [devlet] lügatlerdir maʹnâ-yı vâhid üzere. Muḩammed b. Sellâm eyitti: Yûnus’tan su΄âl edip Bârî taʹâlânın ﴿كَيْ لَا يَكُونَ دُولَةً بَيْنَ الْأَغْنِيَاءِ مِنْكُمْ﴾ (الحشر، 7) kavlinin maʹnâsı nedir dedikte cevâb verip eyitti: قَالَ أَبُو عَمْرو بْنُ الْعَلَاءِ اَلدُّولَةُ بِالضَّمِّ فِي الْمَالِ وَالدَّوْلَةُ بِالْفَتْحِ فِي الْحَرْبِ وَقَالَ عِيسَى بْنُ عُمَرَ كِلْتَاهُمَا يَكُونُ فِي الْمَالِ وَالْحَرْبِ سَوَاءٌ وَأَمَّا أَنَا فَوَ اللهِ مَا أَدْرِي مَا بَيْنَهُمَا dedi.

اَلدُّولُ [ed-Dûl] (dâl’ın zammı ve meddiyle) Ḩanîfe kabîlesinde bir kimsenin ismidir ki دُؤَلِيٌّ [Du΄eliyy] onlara nisbet olunur.