Kamus-ı Muhit - السلاق maddesi

اَلسُّلاَّقُ [es-sullâḵ] (رُمَّانٌ [rummân] vezninde) Naṡârâ’ya mahsûs bir paskalya adıdır ki Hazret-i ʹÎsâ’nın âsumâna ʹurûc ettikleri gün olacaktır. Şârihin beyânına göre fıtrlarından kırk ikinci gündür. Ve سُلاَّقٌ [sullâḵ] kelimesi Süryânîde suʹûd etti maʹnâsınadır, aslı سَيْلاَقٌ [seylâḵ]tır.

اَلْمِسْلَقُ [el-mislaḵ] (مِنْبَرٌ [minber] vezninde) ve

اَلْمِسْلاَقُ [el-mislâḵ] (مِحْرَابٌ [miḩrâb] vezninde) ve

اَلسَّلاَّقُ [es-sellâḵ] (شَدَّادٌ [şeddâd] vezninde) Darb-ı lisâna mâlik, belâgatlı ve sühan-ver adama denir; yukâlu: خَطِيبٌ مِسْلَقٌ وَمِسْلاَقٌ وَسَلاَّقٌ أَيْ بَلِيغٌ

اَلسُّلاَقُ [es-sulâḵ] (غُرَابٌ [ġurâb] vezninde) Bir gûne sivilcelere denir ki dilin dibinde zuhûr eder, ʹalâ-kavlin diş dibinin etleri soyulmağa denir; yukâlu: ظَهَرَ فِي فَمِهِ سُلاَقٌ وَهُوَ بَثْرٌ يَخْرُجُ عَلَى أَصْلِ اللِّسَانِ أَوْ هُوَ تَقَشُّرٌ فِي أُصُولِ الْأَسْنَانِ Ve

سُلاَقٌ [sulâḵ] Göz ʹilletlerinden bir ʹillet adıdır. Sebebi bûraḵiyyetli ve hiddetli rutûbettir. Ekserî göz pınarında zuhûr eder, giderek yayılıp gözün fesâdını mü΄eddî olur. Kandan ve remed misilli marazlardan gözün mizâcı fâsid olduğundandır. ʹAlâmeti göz kapakları kızıl kızıl olup kalınlaşmak ve kirpikler dökülüp biten yerleri mütekarrih olmaktır.

Vankulu Lugatı - السلاق maddesi

اَلسُّلَاقُ [es-sulâḵ] (sîn’in zammı ile) Şol sivilcelerdir ki dilin dibinde çıkar. Baʹzılar eyitti: Diş dibinin derisi soyulmaktır.

اَلسَّلَّاقُ [es-sellâḵ] (sîn’in fethi ve lâm’ın teşdîdiyle) Bi-maʹnâhu.