اَلصَّنْبَرُ [eṡ-ṡanber] (جَعْفَرٌ [caʹfer] vezninde) İnce ve zaʹîf olan şey΄e denir.
اَلصِّنَّبْرُ [eṡ-ṡinnebr] (ṡâd’ın kesri ve nûn-ı müşeddedenin kesri ve fethiyle) Bârid güne ve vakte ve havâya, kezâlik hârr olanına denmekle zıdd olur; صُنْبُورٌ [ṡunbûr]-ı mezbûrdan me΄hûzdur; yukâlu: غَدَاةٌ صِنَّبْرٌ أَيْ بَارِدَةٌ وَحَارَّةٌ Ve
صِنَّبْرٌ [ṡinnebr] حُسُومٌ [ḩusûm] taʹbîr olunan eyyâm-ı ʹacûzun ikinci gününe denir; صَنَابِرُ [ṡanâbir] cemʹidir ve minhu: صَنَابِرُ الشِّتَاءِ أَيْ شِدَّةُ بَرْدِهِ Ve şâʹirin işbu “نُطْعِمُ الشَّحْمَ وَالسَّدِيفَ وَنَسْقِي || الْمَحْضَ فِي الصِّنَّبِرِّ وَالصُّرَّادِ” beytinde nûn’un ve râ’nın teşdîdi ve bâ’nın kesresi zarûret-i vezn içindir.
اَلصِّنَّبِرُ [eṡ-ṡinnebir] (ṡâd’ın kesri ve nûn’un fethi ve teşdîdi ve bâ’nın kesriyle) Kezâlik şiddet-i şitâʹ maʹnâsına.
اَلصِّنَّبْرُ [eṡ-ṡinnebr] (ṡâd’ın kesri ve nûn’un fethi ve teşdîdi ve bâ’nın sükûnuyla) Berd-i ʹacûz günlerinden bir günün adıdır. Ve muhtemeldir ki صِنَّبِرٌ [ṡinnebir]le صِنَّبْرٌ [ṡinnebr] ikisi bir maʹnâya ola ve bâ’nın tahrîki zarûret-i şiʹr için ola.
Sitemizde detaylı hızlı ve kolay arama ekranı