اَلْعُجْوَةُ [el-ʹucvet] (غُرْفَةٌ [ġurfet] vezninde) Anasız kalan maʹsûma bedel olarak tagdiye için içirdikleri süte denir.
اَلْعَجْوَةُ [el-ʹacvet] (ʹayn’ın fethi ve cîm’in sükûnuyla) Vâlide veledinin reḋâʹını vaktlerinden te΄hîr eylemek maʹnâsınadır ki müddet-i fisâlden ziyâde emzirmekten ʹibârettir. Şârihin beyânına göre bu ismdir, pes mü΄ellifin اَلْعَجْوَةُ وَالْمُعَاجَاةُ kavli müsâmaha olur; yukâlu: أَرْضَعَتْهُ عَجْوَةً وَهِيَ أَنْ تُؤَخِّرَ الْأُمُّ رَضَاعَ الْوَلَدِ عَنْ مَوَاقِيتِهِ
اَلْعَجْوَةُ [el-ʹacvet] (ʹayn’ın fethi ve cîm’in sükûnuyla) Medîne-i münevvere’de hurmânın aʹlâsından bir nevʹ.Ve onun ağacına لِينَةٌ [lînet] derler.
Sitemizde detaylı hızlı ve kolay arama ekranı