Kamus-ı Muhit - العنفة maddesi

اَلْعَنَفَةُ [el-ʹanefet] (fetehâtla) Su değirmeninin çarhına denir, onu su dokundukta değirmeni döndürür. Ve ekinli tarlanın iki hattının aralığına denir.

اَلْعُنْفَةُ [el-ʹunfet] (غُرْفَةٌ [ġurfet] vezninde) ve

اَلْعُنُفَةُ [el-ʹunufet] (zammeteynle) ve

اَلْإِعْتِنَافُ [el-iʹtinâf] (إِفْتِعَالٌ [iftiʹâl] vezninde) Bir nesneye yeni başlamağa denir; tekûlu: كَانَ ذَلِكَ مِنَّا عُنْفَةً وَعُنُفَةً وَاعْتِنَافًا أَيْ إِئْتِنَافًا Burada إِعْتِنَافٌ [iʹtinâf] إِئْتِنَافٌ [i΄tinâf] maʹnâsına masdar iken ism mevkiʹinde istiʹmâl olundu. Ve

إِعْتِنَافٌ [iʹtinâf] Bir işi ʹunf ve şiddetle tutmak maʹnâsınadır; yukâlu: إِعْتَنَفَ الْأَمْرَ إِذَا أَخَذَهُ بِعُنْفٍ Ve bir nesneye başlamak maʹnâsınadır; yukâlu: إِعْتَنَفَ الشَّيْءَ إِذَا ابْتَدَأَهُ Ve yeniden başlamak maʹnâsınadır ki zikr olundu; yukâlu: إِعْتَنَفَهُ أَيْ إِئْتَنَفَهُ Şârih der ki bu ʹanʹane-i Benî Temîm’dir ki hemzeyi ʹayn’a tebdîl ederler. Ve

إِعْتِنَافٌ [iʹtinâf] Bilmemek, cehl maʹnâsınadır, ʹalâ-kavlin bilmediği nesneye bilmeyerek özenmek maʹnâsınadır; yukâlu: إِعْتَنَفَهُ إِذَا جَهِلَهُ أَوْ أَتَاهُ وَلَمْ يَكُنْ لَهُ بِهِ عِلْمٌ Ve bir nesneyi kerîh görüp iğrenmek maʹnâsınadır; yukâlu: إِعْتَنَفَ الطَّعَامَ وَالْأَرْضَ إِذَا كَرِهَهُمَا Ve bir yerin havâsı mizâca uymayıp nâ-hoş gelmek maʹnâsınadır; tekûlu: إِعْتَنَفَتْنِي الْأَرْضُ أَيْ لَمْ تُوَافِقْنِي Ve meclisten bir tarafa dönmek maʹnâsınadır; yukâlu: إِعْتَنَفَ الْمَجْلِسَ إِذَا تَحَوَّلَ عَنْهُ Ve henüz otlanmamış çayır raʹy eylemek maʹnâsınadır; yukâlu: إِعْتَنَفَ الْمَرَاعِي إِذَا رَعَى أُنُفَهَا