اَلْمَحْرِدُ [el-maḩrid] (مَجْلِسٌ [meclis] vezninde) Devenin mafsal-ı ʹunukuna ʹalâ-kavlin sırtında pâlân vurulacak yerine denir.
اَلْمُحَرَّدُ [el-muḩarred] (مُعَظَّمٌ [muʹażżam] vezninde) Göçer evlilerin huğ taʹbîr ettikleri eve denir ki üstü çatı olmakla hörgüçlü olur. Mü΄ellifin اَلْمُسَنَّمُ kavli sıfat-ı kâşifedir. Ve eğri yaʹnî kemer tarzında mukavves nesneye denir. Ve şol alaçık ve huğ makûlesi eve denir ki sakfı zikr olunan حَرَادِيٌّ [ḩarâdiyy] dedikleri kerevit ile örtülmüş ola.
اَلْمُحَرَّدُ [el-muḩarred] (mîm’in zammı ve râ’nın fethi ve teşdîdiyle) Eğilmiş, kemer gibi olmuş nesne; yukâlu: بَيْتٌ مُحَرَّدٌ أَيْ مُسَنَّمٌ Yaʹnî düz olmayan ev; ve yukâlu: حَبْلٌ مُحَرَّدٌ إِذَا ضُفِرَ فَصَارَتْ لَهُ حُرُوفٌ لِاعْوِجَاجِهِ Yaʹnî kaçan ip devşirilip köşeleri zuhûr etse. Aṡmaʹî eyitti: مُحَرَّدٌ [muḩarred] şol evdir ki ona كُوخٌ [kûḣ] derler kâf’ın zammıyla. Ve كُوخٌ [kûḣ] penceresiz eve derler. Ve Aṡmaʹî eyitti: مُحَرَّدٌ [muḩarred] her nesennin eğrisine derler.
Sitemizde detaylı hızlı ve kolay arama ekranı