Kamus-ı Muhit - المقط maddesi

اَلْمَقِطُ [el-meḵiṯ] (كَتِفٌ [ketif] vezninde) Şol velede denir ki altı aylık yâhûd yedi aylık doğmuş ola; yukâlu: وَلَدٌ مَقِطٌ إِذَا وُلِدَ لِسِتَّةِ أَشْهُرٍ أَوْ سَبْعَةٍ

اَلْمُقْطُ [el-muḵṯ] (mîm’in zammıyla) Kuş sayd ettikleri ipten tuzağa denir. Cemʹi أَمْقَاطٌ [emḵâṯ] gelir.

اَلْمَقَطُّ [el-meḵaṯṯ] (mîm’in ve kâf’ın fethiyle) At kısmının eyegülerinin uçlarında kemirtlek taʹbîr olunan yumuşak kemiklerin uçlarına denir ki orada omurgaya varmakla kesilip kalır.

اَلْمَقْطُ [el-maḵṯ] (نَقْطٌ [naḵṯ] vezninde) Bir kimsenin boynunu kırmak maʹnâsınadır; yukâlu: مَقَطَ عُنُقَهُ مَقْطًا مِنَ الْبَابِ اْلأَوَّلِ وَالثَّانِي إِذَا كَسَرَهَا Ve bir kimseyi gücendirip gayz ve kîne bağlatmak, ʹalâ-kavlin derûnunu hışm ve kîne ile doldurmak maʹnâsınadır; yukâlu: مَقَطَ فُلاَنًا إِذَا غَاظَهُ أَوْ مَلَأَهُ غَيْظًا Ve bir adamı kapıp yere çalmak maʹnâsınadır; yukâlu: مَقَطَ الْقِرْنَ وَبِالْقِرْنِ إِذَا صَرَعَهُ Ve etfâl top taʹbîr ettikleri küreyi yere çalıp elleriyle tutmak maʹnâsınadır ki top oynamak taʹbîr olunur; yukâlu: مَقَطَ الْكُرَةَ إِذَا ضَرَبَ بِهَا الْأَرْضَ ثُمَّ أَخَذَهَا Ve kuş çiftleşmek maʹnâsınadır; yukâlu: مَقَطَ الطَّائِرُ الْأُنْثَى بِمَعْنَى قَمَطَهَا Ve bir adama yemînler ile and vermek maʹnâsınadır; yukâlu: مَقَطَهُ بِالْأَيْمَانِ إِذَا حَلَّفَهُ بِهَا Ve değnekle vurmak maʹnâsınadır; yukâlu: مَقَطَهُ بِالْعَصَا إِذَا ضَرَبَهُ بِهَا Ve

مَقْطٌ [maḵṯ] Şiddet maʹnâsınadır; yukâlu: مَقَطَهُ إِذَا شَدَّهُ Ve kamçı gibi küçük ip ile bir kimseye vurmak maʹnâsınadır; yukâlu: مَقَطَهُ إِذَا ضَرَبَهُ بِالْحُبَيْلِ الصَّغِيرِ Ve pek bükmek maʹnâsınadır; yukâlu: مَقَطَ الْحَبْلَ إِذَا فَتَلَهُ شَدِيدًا Ve مِقَاطٌ [miḵâṯ] ile bir nesneyi bağlamak maʹnâsınadır; yukâlu: مَقَطَهُ إِذَا شَدَّهُ بِالْمِقَاطِ