Kamus-ı Muhit - الوتر maddesi

اَلْوَِتْرُ [el-vitr - el-vetr] (vâv’ın kesri ve fethiyle) Yalnız, ferd maʹnâsınadır. ʹAlâ-kavlin ʹadedden çift olmayana denir ki tek taʹbîr olunur. Kâle’ş-şârih وَقُرِئَ فِي السَّبْعَةِ ﴿وَالشَّفْعِ وَالْوَتْرِ﴾ بِالْكَسْرَ عَلَى لُغَةِ الْحِجَازِ وَتَمِيمٍ وَبِالْفَتْحِ فِي لُغَةِ غَيْرِهِمْ Ve

وِتْرٌ [vitr] ʹArefe gününe ıtlâk olunur ki kurbân bayramından bir gün mukaddem olan gündür; senede bir olduğu için ıtlâk olundu, zîrâ ramâzan bayramının ʹarefesi olmaz. Ve

وِتْرٌ [Vitr] Yemâme’de bir vâdî adıdır. Ve

وِتْرٌ [vitr] Dem ve intikâm kînesi, ʹalâ-kavlin dem yaʹnî katl cihetiyle olan zulm ve taʹaddîye denir.

Vankulu Lugatı - الوتر maddesi

اَلْوَتَرُ [el-veter] (fethateynle) Yay kirişi, zih maʹnâsına.

اَلْوِتْرُ [el-vitr] (vâv’ın kesriyle) Tek olan nesnedir, ferd maʹnâsına.

اَلْوَتْرُ [el-vetr] (vâv’ın fethi ve tâ’nın sükûnuyla) Kîne maʹnâsına, ehl-i ʹÂliye lügati üzere. Fe-ammâ ehl-i Ḩicâz lügati üzere emr bi’l-ʹakstir, yaʹnî ferd maʹnâsında fethiyle ve kîne maʹnâsında kesriyledir. Ve ammâ Temîm katında ikisinde dahi yaʹnî ferd maʹnâsında de kîne maʹnâsına da kesrledir. Ve

وَتْرٌ [vetr] (fethle) Kâtilden intikâm alınmağa dahi derler; yukâlu: وَتَرَهُ يَتِرُهُ وَتْرًا Ve hakkı nâkıs kılmağa da derler;ve minhu kavluhu taʹâlâ: ﴿وَلَنْ يَتِرَكُمْ أَعْمَالَكُمْ﴾ (محمد 35) أَيْ لَنْ يَنْقُصَكُمْ فِي أَعْمَالِكُمْ كَمَا تَقُولُ دَخَلْتُ الْبَيْتَ [وَأَنْتَ تُرِيدُ دَخَلْتُ فِي الْبَيْتِ]