حِبْرَةُ [Ḩibret] (ḩâ’nın kesriyle) Medîne’de bir hisâr-beççe ismidir. Ve Ḩibre bint Ebî Ḋayġam şâʹirdir.
اَلْحَبْرَةُ [el-ḩabret] (ḩâ’nın fethiyle) Bu dahi dişlere ʹârız olan sufrete denir. Ve ferah ve meserret maʹnâsına masdar olur, ke-mâ se-yuzkeru. Ve niʹmet ve refâh maʹnâsınadır ki masdardır. Ve cennette olan semâʹ ve nagme ve terâneye denir ve minhu kavluhu taʹâlâ: ﴿فَهُمْ فِي رَوْضَةٍ يُحْبَرُونَ﴾ أَيْ يُسَرُّونَ وَقِيلَ يُنَعَّمُونَ وَيُكْرَمُونَ وَفَسَّرَ الزَّجَّاجُ بِالسَّمَاعِ فِي الْجَنَّةِ Ve
حَبْرَةٌ [ḩabret] Her hûb ve dil-keş nagme ve terâneye denir; tekûlu: سَمِعْتُ حَبْرَةً أَيْ نَغْمَةً حَسَنَةً Ve bir nesneyi vasf-ı cemîlde mübâlaga eylemek maʹnâsınadır; ve minhu yukâlu: تُحْبَرُونَ أَيْ تُكْرَمُونَ إِكْرَامًا يُبَالَغُ فِيهِ
أَبُوحِبَرَةَ [Ebû Ḩiberet] Tâbiʹîndendir. Ve Ḩibere b. Necm muhaddistir. Ve
حِبَرَةٌ [ḩiberet] Bir nevʹ kumaş-ı Yemenî ismidir. Bunda ḩâ’nın fethiyle de câ΄izdir. Cemʹi حِبَرٌ [ḩiber] gelir, عِنَبٌ [ʹineb] gibi ve حِبَرَاتٌ [ḩiberât] gelir, فِقَرَاتٌ [fiḵarât] gibi. Şârih der ki kumaş-ı mezbûr penbeden ve ketenden muhattat alacadır, بُرْدٌ حِبَرَةٌ derler, vasf olarak ve بُرْدُ حِبَرَةٍ derler izâfetle. Burada حِبَرَةٌ [ḩiberet] veşy-i mezkûr maʹnâsınadır, niteki ثَوْبُ قِرْمِزٍ derler izâfetle.
Sitemizde detaylı hızlı ve kolay arama ekranı