Kamus-ı Muhit - حبلة maddesi

حَبْلَةُ [Ḩablet] (تَمْرَةٌ [temret] vezninde) ʹAsḵalân kurbünde bir karye adıdır.

اَلْحُبْلَةُ [el-ḩublet] (غُرْفَةٌ [ġurfet] vezninde) Asmaya denir ki كَرْمٌ [kerm] maʹnâsına, ʹalâ-kavlin teveğinden ve omçasından bir kola denir ve fetehâtla câ΄izdir. Ve سَلَمٌ [selem] ve سَيَالٌ [seyâl] ve سَمُرٌ [semur] nâm bâdiye ağaçlarının yemişine denir yâhûd iri meşe ağaçlarının yemişine denir, mugaylân yemişi gibi; cemʹi حُبْلٌ [ḩubl]gelir, قُفْلٌ [ḵufl] vezninde ve حُبَلٌ [ḩubel] gelir, صُرَدٌ [ṡurad] vezninde. Ve

حُبْلَةٌ [ḩublet] Nisvân zînetlerinden bir gûne pîrâye ismidir. Ve bir ot ismidir ki onu dâ΄imâ keler ekl eder.

Vankulu Lugatı - حبلة maddesi

حَبَلُ الْحَبَلَةِ [ḩabelu’l-ḩabelet] (fethateynle) حَمْلٌ [ḩaml]in yavrusu, نِتَاجُ النِّتَاجِ ve وَلَدُ الْجَنِينِ maʹnâsına. Ve fi’l-hadîsi: “نَهَى عَنْ حَبَلِ الْحَبَلَةِ” Ve baʹzı nüsahta عَنْ بَيْعِ الْحَبَلَةِ vâkiʹ olmuştur. Zâhir budur ki nüsha-i ûlâda dahi muzâf mukadderdir. Ve

حَبَلَةٌ [ḩabelet] Kezâlik asma budağına derler, قَضِيبُ الْكَرْمِ maʹnâsına.

اَلْحُبْلَةُ [el-ḩublet] (ḩâ’nın zammı ve bâ’nın sükûnuyla) Bir dikenli ağaç yemişidir. Ve fî hadîsi Saʹd: “لَقَدْ رَأَيْتُنَا مَعَ رَسُولِ اللهِ صَلَّى اللهُ عَلَيْهِ وَسَلَّمَ وَمَا لَنَا طَعَامٌ إِلَّا الْحُبْلَةُ وَوَرَقُ السَّمُرِ” Ve سَمُرٌ [semur] berriyyede bir ağacın ismidir. Ve

حُبْلَةٌ [ḩublet] Şol zînete dahi derler ki nisâ tâ΄ifesi takındığı kılâdelerde kılarlar.