قُرَيَّةُ [Ḵureyyet] (سُمَيَّةُ [sumeyyet] vezninde) Baġdâd’da üç mevziʹin adıdır. Ve Ṯayyi΄ kabîlesi yurdunda bir mevziʹ adıdır.
اَلْقِرِّيَّةُ [el-ḵirriyyet] (جِرِّيَّةٌ [cirriyyet] vezninde) Kursağa denir, حَوْصَلَةٌ [ḩavṡalet] maʹnâsına. Ve
قِرِّيَّةُ [Ḵirriyyet] Fesâhatle maʹrûf Eyyûb b. Yezîd’in vâlidesi Cumâʹa bint Cuşem’in lakabıdır.
اَلْقَرْيَتَيْنِ [el-ḵaryeteyn] (tesniye bünyesiyle) İki karye demektir. Ve işbu ﴿عَلَى رَجُلٍ مِنَ الْقَرْيَتَيْنِ عَظِيمٍ﴾ âyet-i kerîmesinde murâd Mekke ile Ṯâ΄if’tir, Mekke taglîb olunmuştur. Ve ekserî lafz-ı merkûm yâ ile قَرْيَتَيْنِ ʹunvânında mütelaffazdır, yaʹnî elifle قَرْيَتَانِ ʹunvânında ki hâlet-i refʹidir, kalîldir. Ve
قَرْيَةُ [Ḵaryet] Mekke ile Baṡra beyninde Nibâc kurbünde bir köyün adıdır. Ve Ḩimṡ kazâsında bir köy adıdır. Ve Yemâme’de bir mevziʹdir.
اَلْقِرِّيَّةُ [el-ḵirriyyet] (kesreteynle ve râ’nın ve yâ’nın teşdîdiyle) Kursak, ʹalef-dân maʹnâsına, جِرِّيَّةٌ [cirriyyet] gibi ki جِرِّيَّةٌ [cirriyyet] dahi cîm’in kesri ve râ-i mühmelenin dahi kesri ve teşdîdiyle ve yâ’nın dahi teşdîdiyle kursak maʹnâsınadır. Ve
قِرِّيَّةُ [Ḵirriyyet] Esmâ-i ricâldendir. Ve Eyyûb b. el-Ḵirriyyet fusahâ-iʹArabdandır.
Sitemizde detaylı hızlı ve kolay arama ekranı