اَلْأَخِيرُ [el-aḣîr] (أَمِيرٌ [emîr] vezninde) Bu dahi آخِرٌ [âḣir] maʹnâsınadır ki أَوَّل [evvel] mukâbilidir. Ve gâ΄ib maʹnâsına istiʹmâl olunur, آخِرٌ [âḣir] gibi huzûr-ı fazîletinden müte΄ahhir olduğu için. Ve her şey΄in en sonrasına ıtlâk olunur, ke-mâ se-yuzkeru.
اَلْأَخْيَرُ [el-aḣyer] (أَفْضَلُ [efḋal] vezninde) Efʹal-i tafdîldir, pek hayrlı adama denir, niteki خَيِّرٌ [ḣayyir] dahi bu maʹnâya gelir, ânifen zikr olunmuştur; yukâlu: هُوَ أَخْيَرُ مِنْكَ كَمَا يُقَالُ خَيْرٌ مِنْكَ Ve kaçan hayr ile tafdîl murâd olunsa müzekkerinde فُلاَنٌ خَيْرَةُ النَّاسِ denir hâ’yla ve mü΄ennesinde فُلاَنَةٌ خَيْرُ النَّاسِ denir, hâ’sız yâhûd فُلاَنَةٌ اَلْخَيْرَةُ مِنَ الْمَرْأَتَيْنِ denir harf-i taʹrîfle. Ve خَيْرٌ [ḣayr] kelimesi efʹal-i tafdîl olduğu sûrette tesniye ve cemʹ kılınmaz.
Sitemizde detaylı hızlı ve kolay arama ekranı