اَلْبَرْتُ [el-bert] (ضَرْبٌ [ḋarb] vezninde) Kesmek maʹnâsınadır; yukâlu: بَرَتَ الشَّيْءَ بَرْتًا مِنَ الْبَابِ الثَّانِي إِذَا قَطَعَهُ Ve mütehayyir olmak maʹnâsınadır; yukâlu: بَرِتَ الرَّجُلُ بَرْتًا مِنَ الْبَابِ الرَّابِعِ إِذَا تَحَيَّرَ
اَلْبُرْتُ [el-burt] (bâ’nın zammıyla) طَبَرْزَدٌ [ṯaberzed] dedikleri maʹrûf nebât şekerinin ismidir ki tabh-ı sâliste ʹuşru kadar tâze süt izâfe olunup münʹakid olunca kaynatılan şekerdir ve etıbbâʹ be-gâyet pek ve katı olan kand-ı mükerrere ıtlâk ederler ki nebât şekeri olacaktır. Ve “taberzed” kelimesi teberzed-i Fârisîden muʹarrebdir, sükker-i mezbûrun kemâl-i salâbetinden kinâye olunmuştur. Ve
بُرْتٌ [burt] Baltaya denir, فَأْسٌ [fe΄s] gibi, bunda bâ’nın fethiyle de lügattir. Ve
بُرْتٌ [Burt] Üstâd kılavuza denir, delîl-i mâhir maʹnâsına. Ve bunda bâ’nın harekât-ı selâsıyla lügattir.
اَلْبُرْتُ [el-burt] (bâ’nın zammıyla ve râ’nın sükûnuyla) Kılavuz olan kimse.
Sitemizde detaylı hızlı ve kolay arama ekranı