Kamus-ı Muhit - البرقع maddesi

اَلْبِرْقِعُ [el-Birḵiʹ] (زِبْرِجٌ [zibric] vezninde) ve

اَلْبُرْقُعُ [el-Burḵuʹ] (قُنْفُذٌ [ḵunfuž] vezninde) Yedinci felek, ʹalâ-kavlin dördüncü ve ʹalâ-re΄yin evvelki felekin ismidir.

اَلْبُرْقُعُ [el-burḵuʹ] (ḵâf’la قُنْفُذٌ [ḵunfuž] vezninde) ve

اَلْبُرْقَعُ [el-burḵaʹ] (جُنْدَبٌ [cundeb] vezninde) ve

اَلْبُرْقُوعُ [el-burḵûʹ] (عُصْفُورٌ [ʹuṡfûr] vezninde) Nisvânın yüzlerine tutundukları peçeye denir; baʹzı devâbbın dahi sinekten himâye için yüzlerine yaparlar. Ve

بُرْقُعٌ [burḵuʹ] (قُنْفُذٌ [ḵunfuž] vezninde) Bir gûne damga ismidir ki deve kısmının uyluklarına basarlar. İki başı sülüs hatla yazılmış bâ΄ harfinin başları gibi ve bâ΄ keşîdesi gibi uzunca keşîdeli olup ve üstünde ve altında hâ΄ harfi gibi müdevver iki şekl olur ki sûreti budur: Ve

بُرْقُعٌ [Burḵuʹ] Benû Numeyr yurdunda bir su adıdır. Ve sağılmaya çağrılan keçinin ismidir ki vakt-i mezbûra mahsûs ıtlâktır. Ve زِبْرِجٌ [zibric] vezninde olan بِرْقِعٌ [birḵiʹ] maʹnâsınadır, ke-mâ se-yuzkeru. Ve

بُرْقُوعٌ [burḵûʹ] (عُصْفُورٌ [ʹuṡfûr] vezninde ve nâdiren fethle يَصْفُوقٌ [yaṡfûḵ] vezninde gelmiştir) Şedîd açlığa denir; yukâlu: جُوعٌ بُرْقُوعٌ أَيْ شَدِيدٌ Niteki yâ-yı tahtiyye ile de bu maʹnâyadır.

Vankulu Lugatı - البرقع maddesi

اَلْبُرْقُعُ [el-burḵuʹ] (bâ’nın ve ḵâf’ın zammı ve râ’nın sükûnuyla) ve

اَلْبُرْقَعُ [el-burḵaʹ] (bâ’nın zammı ve ḵaf’ın fethiyle) Davarın ve nisâ tâ΄ifesinin yüzüne örttükleri peçedir.