Kamus-ı Muhit - الجحفة maddesi

اَلْجَحْفَةُ [el-caḩfet] (تَمْرَةٌ [temret] vezninde) Bir parça sâfî yağa denir; tekûlu: أَكَلْتُ جَحْفَةً مِنَ السَّمْنِ أَيْ قِطْعَةً مِنْهُ Ve havuzun etrâfında ve köşelerinde kalan su bakiyyesine denir; cîm’in zammıyla da câ΄izdir. Ve yürekte sancı gibi ʹârızaya denir ki tuhm ve imtilâdan tahaddüs eder; yukâlu: أَخَذَتْهُ الْجَحْفَةُ أَيْ شِبْهُ الْمَغَصِ فِي الْبَطْنِ Ve top oynamak maʹnâsınadır ki zikr olundu.

اَلْجُحْفَةُ [el-cuḩfet] (غُرْفَةٌ [ġurfet] vezninde) Kuyudan çekilip götürülen suya, ʹalâ-kavlin kuyunun dibinde kalan su bakiyyesine denir. Ve kabı doldurmayacak kadar azca tiride denir ki kap içre ola; yukâlu: فِي الْإِنَاءِ جُحْفَةٌ مِنَ الثَّرِيدِ وَهِيَ يَسِيرُ مِنْهُ فِي الْإِنَاءِ لاَ يَمْلَؤُهُ Ve merʹânın bir ucunda ve bir köşesinde kalan bir mikdârca çayırlık parçasına denir. Ve bir avuç yâhûd el dolusu taʹâma denir; tekûlu: أَكَلْتُ جُحْفَةً مِنَ الطَّعَامِ أَيْ غُرْفَةً مِنْهُ أَوْ مِلْءَ الْيَدِ Ve

جُحْفَةُ [Cuḩfet] Şâm huccâcının mîkâtı olan mevziʹin ismidir ki Mekke’ye seksen iki mîl mesâfede vâkiʹdir. Selefte bir cemʹiyyetli karye idi ki ona مَهْيَعَةُ [Mehyeʹat] derler idi. İhve-i ʹÂd olan Benû ʹAbîl kabîlesini kavm-i ʹAmâlîḵ Yešamp;rib-zemînden ihrâc ettiklerinde mahall-i mezbûra nezîl olup nâgâh bir gün seylü’l- cuḩâf zuhûr ve mecmûʹunu إِجْتِحَافٌ [ictiḩâf] yaʹnî alıp götürüp telef ve tebâh eylemekle جُحْفَةُ [Cuḩfet] tesmiye olunmuştur.