Kamus-ı Muhit - الجمد maddesi

اَلْجَمَدُ [el-cemed] (fethateynle) Kara ıtlâk olunur, ثَلْجٌ [šamp;elc] gibi. Ve جَامِدٌ [câmid] lafzından cemʹ olur, خَدَمٌ [ḣadem] ve خَادِمٌ [ḣâdim] gibi. Ve

جَمَدٌ [cemed] Donmuş suya denir ki buz taʹbîr olunur. Ve yüksekçe yere ıtlâk olunur. Cemʹi أَجْمَادٌ [ecmâd] ve جِمَادٌ [cimâd] gelir cîm’in kesriyle. Ve Cemed b. Maʹdîkereb’dir ki kendi Kinde kabîlesi mülûkundandır. Ve

جَمَدٌ [Cemed] Baġdâd kazâsında bir karye adıdır.

اَلْجُمُدُ [el-cumd] (cîm’in zammı ve zammeteynle) Yüksekçe arza ıtlâk olunur.

اَلْجَمْدُ [el-cemd] (حَمْدٌ [ḩamd] vezninde) ve

اَلْجُمُودُ [el-cumûd] (قُعُودٌ [ḵuʹûd] vezninde) Donmak manâsınadır; yukâlu: جَمَدَ الْمَاءُ وَكُلُّ سَائِلٍ وَجَمُدَ جَمْدًا وَجُمُودًا مِنَ الْبَابِ اْلأَوَّلِ وَالْخَامِسِ ضِدُّ ذَابَ Ve

جَمْدٌ [cemd] Vasf olur ki donan şey΄e denir; mübâlagaten tesmiye bi’l-masdardır. Ve

جَمْدٌ [cemd] ve

جُمُودٌ [cumûd] Bahîl olmak maʹnâsına müstaʹmeldir ki hayr ve ihsânı cârî olmaz; yukâlu: جَمَدَ الرَّجُلُ وَجَمُدَ جَمْدًا وَجُمُودًا إِذَا بَخِلَ Ve

جَمْدٌ [cemd] Kesmek maʹnâsına müstaʹmeldir, fi’l-asl dondurmak maʹnâsına olmakla cereyânını katʹ manâsından mutasavverdir; yukâlu: جَمَدَ الشَّيْءَ إِذَا قَطَعَهُ Ve vâcib ve lâzım ve müstakar olmak maʹnâsına müstaʹmeldir, donmak maʹnâsından me΄hûzdur; tekûlu: جَمَدَ حَقِّي عَلَى فُلاَنٍ أَيْ وَجَبَ

Vankulu Lugatı - الجمد maddesi

اَلْجُمُدُ [el-cumud] ve

اَلْجُمْدُ [el-cumd] (zammeteynle ûlâda ve zamm-ı cîm ve sükûn-ı mîm ile sânîde; عُسُرٌ [ʹusur] ile عُسْرٌ [ʹusr] gibi) Şol yere derler ki berk olup yüksek ola.

اَلْجَمَدُ [el-cemed] (fethateynle) جَامِدٌ [câmid]in cemʹidir, donmuşlar maʹnâsına, خَدَمٌ [ḣadem] خَادِمٌ [ḣâdim]in cemʹi olduğu gibi; yukâlu: كَثُرَ الْجَمَدُ

اَلْجَمْدُ [el-cemd] (cîm’in fethi ve mîm’in sükûnuyla) Donup buz olan su ki eriyen suyun mukâbilidir. Ve bu aslında masdar idi, bu maʹnâya sonradan nakl olundu. Ve masdar maʹnâsına da gelir.