اَلْحَبُّ [el-ḩabb] (ḩâ’nın fethiyle) Zikr olunduğu üzere حَبَّةٌ [ḩabbet]in cemʹ-i cinsidir. Ve
حَبٌّ [Ḩabb] Yemen’de şehr-i Sebâ muzâfâtından bir kalʹadır. Ve Ḩaḋramevt türâbında bir dağ adıdır.
اَلْحُبُّ [el-ḩubb] (ḩâ’nın zammı ve bâ’nın teşdîdiyle) Dostluk, sevgi maʹnâsına ismdir, وِدَادٌ [vidâd] gibi.
اَلْحِبَابُ [el-ḩibâb] ve
اَلْحِبُّ [el-ḩibb] (ḩâ’ların kesriyle) ve
اَلْمَحَبَّةُ [el-maḩabbet] (mîm’in ve ḩâ’nın fethiyle) ve
اَلْحُبَابُ [el-ḩubâb] (ḩâ’nın zammıyla) حُبٌّ [ḩubb] maʹnâsınadır; yukâlu: بَيْنَهُمَا حُبٌّ وَحِبَابٌ وَحِبٌّ وَمَحَبَّةٌ وَحُبَابٌ أَيْ وِدَادٌ Ve
حُبٌّ [ḩubb] (ḩâ’nın zammı ve kesriyle) Masdar olur, sevmek maʹnâsına; tekûlu: حَبَبْتُهُ أَحِبُّهُ حُبًّا وَحِبًّا مِنَ الْبَابِ الثَّانِي Ve bu şâzdır, zîrâ muzâʹaf müteʹaddî bâb-ı sânîden vârid olmaz.
اَلْحُبُّ [el-ḩubb] (ḩâ’nın zammıyla) Küp, خَابِيَةٌ [ḣâbiyet] maʹnâsına. Fârisîden muʹarrebdir; cemʹi اَلْحِبَابُ [el-ḩibâb] ve اَلْحِبَبَةُ [el-ḩibebet] gelir, ḩâ’nın kesri ve bâ’nın fethiyle. Ve mahabbet maʹnâsına da gelir.
اَلْحِبُّ [el-ḩibb] (kesr-i ḩâ΄ ile) Kezâlik mahabbet maʹnâsına. Ve حَبِيبٌ [ḩabîb] maʹnâsına dahi gelir, mislu: خِدْن [ḣidn] ve خَدِين [ḣadîn] ki خِدْن [ḣidn] ve خَدِين [ḣadîn] dahi حَبِيبٌ [ḩabîb] maʹnâsınadır.
Sitemizde detaylı hızlı ve kolay arama ekranı