اَلْحَبَاحِبُ [el-ḩabâḩib] (كَوَاكِبُ [kevâkib] vezninde) حَبْحَابٌ [ḩabḩâb] lafzından cemʹdir, ayağı serîʹ ve çabuk develere denir. Ve hurde ve cüssesiz develere denir. Ve bir belde adıdır.
اَلْحُبَاحِبُ [el-ḩubâḩib] (عُلاَبِطٌ [ʹulâbiṯ] vezninde) Bir nevʹ sinek adıdır ki gece vakti uçar ve kanatları şemʹ gibi lemeʹân eder, Türkîde âteş böceği ve yıldız böceği dedikleridir. نَارُ الْحُبَاحِبِ [nâru’l-ḩubâḩib] bundandır; ʹalâ-kavlin نَارُ الْحُبَاحِبِ [nâru’l-ḩubâḩib] çakmak taşlarının birbirine dokunmalarından havâya mütetâyir olan şerâresinden ʹibârettir.
اَلْحَبَاحِبُ [el-ḩabâḩib] Kiçiler, صِغَارٌ [ṡiġâr] maʹnâsına, حَبْحَابٌ [ḩabḩâb]ın cemʹidir.
اَلْحُبَاحِبُ [el-Ḩubâḩib] Bir bahîl kimsenin ismidir ki konuk korkusundan âteşi az yakardı. Pes onunla darb-ı mesel ettiler, hattâ: “نَارُ الْحُبَاحِبِ” dediler şol âteşe ki atın naʹlından zâhir olur. Ve نَارُ أَبِي حُبَاحِبٍ dediler şol âteş misâlinde olan nesneye ki gece ile bir kurtçağızda zâhir olur ki ona yıldız böceği derler.
Sitemizde detaylı hızlı ve kolay arama ekranı