اَلْحَشَكُ [el-ḩaşek] (ḩâ’nın ve şîn-i muʹcemenin fethiyle) Memede süt şiddetle idrâr edip irkilmek, ʹalâ-kavlin memede süt çabuk dolmak maʹnâsınadır; yukâlu: حَشِكَ اللَّبَنُ فِي الضَّرْعِ حَشَكًا مِنَ الْبَابِ الرَّابِعِ إِذَا دَرَّ سَرِيعًا أَوْ هُوَ سُرْعَةُ تَجَمُّعِ اللَّبَنِ فِي الضَّرْعِ Ve yayı şiddetle kurup çekmek maʹnâsınadır; yukâlu: حَشَكَ الْقَوْسَ إِذَا نَزَعَهَا شَدِيدًا Ve davar arpa ile yemlenmek maʹnâsınadır; mühmele de lügattır.
اَلْحَشْكُ [el-ḩaşk] (ḩâ’nın fethiyle) Nâkayı sütü çoğalsın diye sağmayıp terk eylemek maʹnâsınadır; yukâlu: حَشَكَ النَّاقَةَ حَشْكًا مِنَ الْبَابِ الثَّانِي إِذَا تَرَكَ حَلْبَهَا حَتَّى يَجْتَمِعَ لَبَنُهَا Ve
حَشْكٌ [ḩaşk] ve
حُشُوكٌ [ḩuşûk] Nâka memede sütünü kendi biriktirmek maʹnâsınadır; yukâlu: حَشَكَتِ النَّاقَةُ لَبَنَهَا إِذَا جَمَعَتْهُ Ve bulutun yağmuru firâvân olmak maʹnâsınadır; yukâlu: حَشَكَتِ السَّحَابَةُ إِذَا كَثُرَ مَاؤُهَا Ve hurmânın yemişi çok olmak maʹnâsınadır; yukâlu: حَشَكَتِ النَّخْلَةُ إِذَا كَثُرَ حَمْلُهَا Ve nâs birikmek maʹnâsınadır; yukâlu: حَشَكَ الْقَوْمُ إِذَا تَجَمَّعُوا Ve har har solumak maʹnâsınadır; حَشَكَ نَفَسُهُ إِذَا عَلَاهُ الْبُهْرُ Ve yay pek ve salâbetli olmak maʹnâsınadır; yukâlu: حَشَكَتِ الْقَوْسُ إِذَا صَلُبَتْ
اَلْحَشْكُ [el-ḩaşḵ] (ḩâ’nın fethi ve şîn’in sükûnuyla) Meme sütle dolmak.
Sitemizde detaylı hızlı ve kolay arama ekranı