اَلْبَجَّةُ [el-beccet] (bâ’nın fethiyle) Bir gûne sivilcedir ki gözde ʹârız olur. Ve
بَجَّةٌ [beccet] Bir putun adıdır ki müşrikler perestiş ederler idi. Ve
بَجَّةٌ [beccet] دَمُ الْفَصِيدِ [demu’l-faṡîd] ismidir ki Câhiliyyet’te devenin damarından fasd ve kanını bağırsaklar içre hıfz edip kıtlık hengâmında pişirip tegaddî ve mihmânlara itʹâm ederler idi. Zikr olunan شَقٌّ [şaḵḵ] maʹnâsından me΄hûzdur; ve minhu’l-hadîsu: “أَخْرِجُوا صَدَقَاتِكُمْ قَدْ أَرَاحَكُمُ اللهُ مِنَ الْجَبْهَةِ وَالسَّجَّةِ وَالْبَجَّةِ” Burada جَبْهَةٌ [cebhet]ten murâd مَذَلَّةٌ [mežellet]tir ve سَجَّةٌ [seccet] bir sanem adıdır.
اَلْبُجَّةُ [el-buccet] (bâ’nın zammıyla) Bir putun adıdır, nitekim hadîs-i şerîfte vâkiʹ olmuştur.
Sitemizde detaylı hızlı ve kolay arama ekranı