اَلْبَجْلِيُّ [el-Becliyy] (bâ’nın fethi ve cîm’in sükûnu ve âhirinde yâ’nın teşdîdiyle) Zikr olunan cemâʹte mensûb olandır.
اَلْبَجَلِيُّ [el-Beceliyy] (fethateynle ve âhirinde yâ’nın teşdîdiyle) Becîle cemâʹatine mensûb olan kimse. Baʹzılar eyitti: Becîle cemâʹati Maʹadd’dandır, zîrâ Cerîr b. ʹAbdullâh el-Becelî, Aḵraʹ b. Ḩâbis’e kaçıp vardıkta ki tâ΄ife-i ʹArabın hakemi idi, eyitti: “يَا أَقْرَعَ بْنَ حَابِسٍ يَا أَقْرَعُ|| إِنَّكَ إِنْ يُصْرَعْ أَخُوكَ تُصْرَعُ” Ve Aḵraʹ ise Maʹadd’ın idi, pes Cerîr ki Aḵraʹın أَخٌ [aḣ]ı ola o dahi Maʹadd’dan olur. Ve تُصْرَعُ iʹrâbı refʹle rivâyet olunmuştur, hâlâ ki hakkı cezmdir refʹle olması takdîri fâ’ya binâ΄endir, nitekim “مَنْ يَفْعَلِ الْحَسَنَاتِ اللهُ يَشْكُرُهَا” kavlinde fâ mukadderdir, “فَاللهُ يَشْكُرُهَا” takdîrindedir, pes fâ’nın mâ-baʹdı kelâm-ı mubtedâ olur. Ve Sîbeveyhi eyitti: Cerîr’in bu kelâmı takdîm-i habere mebnîdir, gûyâ ki takdîr-i kelâm “إِنَّكَ تُصْرَعُ إِنْ يُصْرَعْ أَخُوكَ” dur ve ammâ “مَنْ يَفْعَلِ الْحَسَنَاتِ” kelâmında fâ’nın mukadder olması müttefakun ʹaleyhtir.
Sitemizde detaylı hızlı ve kolay arama ekranı