اَلدَّرَّاجُ [ed-derrâc] (كَتَّانٌ [kettân] vezninde) Koğucuya ıtlâk olunur, nemmâm maʹnâsına, meclis be-meclis gezip nakl-i makâl eylediği için. Ve kirpi taʹbîr olunan cânvere ıtlâk olunur. Ve
دَرَّاجٌ [Derrâc] Bir mevziʹ adıdır.
اَلدُّرَّاجُ [ed-durrâc] (رُمَّانٌ [rummân] vezninde) Türkîde tahrîfle turaç taʹbîr olunan kuş ismidir. Cüssede kekliğe karîb ve hoş-manzar ve eti nâzük bir kuştur ve bu sülün dedikleri değildir, sülüne müşâbihtir. Fârisîde durrâca turâc ve sülüne tezerv ve ʹArablar muʹarreb olarak تَدْرُجٌ [tedruc] derler. Ve دُرَّاجٌ [durrâc]da دُرَّاجَةٌ [durrâcet] dahi lügattir hâ’yla, حَمَامٌ [ḩamâm] ve حَمَامَةٌ [ḩamâmet] gibi, erkeğine ve dişisine ıtlâk olunur.
اَلدُّرَّاجُ [ed-durrâc] ve
اَلدُّرَّاجَةُ [ed-durrâcet] (dâl’ın zammı ve râ’nın teşdîdiyle) Turaç dedikleri kuştur; müzekkere ve mü΄ennese ıtlâk olunur. Kaçan ki zikr olunan kuşa حَيْقُطَانٌ [ḩayḵuṯân] deseler ḩâ-i mühmelenin fethi ve yâ’nın sükûnu ve ḵâf’ın dahi fethiyle (?) müzekkere mahsûs ism olur ki zikr olunan kuşun müzekkerine حَيْقُطَانٌ [ḩayḵuṯân] derler.
Sitemizde detaylı hızlı ve kolay arama ekranı