اَلْبِرْكُ [el-birk] (bâ’nın kesriyle) Bu dahi havuza denir. Ve Mekke ile Zebîd miyânında bir mevziʹ adıdır. Ve Necd’de Benû ʹUḵayl yurdunda bir su adıdır. Ve Mecâze’de bir mevziʹdir. Ve dîger iki mevziʹ adıdır.
اَلْبُرَكُ [el-burek] (صُرَدٌ [ṡurad] vezninde) Dâ΄imâ nesne üzere çöker olan kimseye denir.
اَلْبَرْكُ [el-berk] (bâ’nın fethiyle) Haşem-nişîn olan oba halkının mecmûʹ develerine denir ki otlaktan akşam vaktinde gelip obanın kenârlarında bâligaten mâ-belagat bulut gibi çökmüş ola; her ne kadar kesîr olursa da بَرْكٌ [berk] ıtlâk olunur. ʹAlâ-kavlin çökmüş deve sürüsüne yâhûd pek çok develere denir. Müfrediبَارِكٌ [bârik]tir, صَحْبٌ [ṡaḩb] ve صَاحِبٌ [ṡâḩib] gibi; mü΄ennesi بَارِكَةٌ [bâriket]tir ve cemʹi بُرُوكٌ [burûk]tur. Pes ism-i cemʹ olur yaʹnî mâddesinden vâhidi olan ism-i cemʹ olur, رَكْبٌ [rekb] gibi. Ve
بَرْكٌ [berk] Göğüse ıtlâk olunur, maʹnâ-yı âtîden me΄hûzdur; yukâlu: ضَرَبَهُ بَرْكَهُ أَيْ صَدْرَهُ Ve devenin göğsünden yere gelen mevziʹine denir. Ve bir mevziʹ adıdır; fethateynle de zebân-zededir.
اَلْبِرَكُ [el-birek] (bâ’nın kesri ve râ’nın fethiyle) Cemʹi. Baʹzılar eyitti: Havza بِرْكَةٌ [birket] dedikleri ona su ikâmet ettiğinden ötürüdür.
اَلْبُرَكُ [el-burek] (bâ’nın zammı ve râ’nın fethiyle) Cemʹi, zikr olunan kuşlar maʹnâsına.
اَلْبَرْكُ [el-berk] (bâ’nın fethi ve râ’nın sükûnuyla) Şol develerdir ki çok olup çökmüş olalar; cemʹi بُرُوكٌ [burûk] gelir. Ve
بَرْكٌ [berk] (kezâlik) Göğüse derler, sadr maʹnâsına.
Sitemizde detaylı hızlı ve kolay arama ekranı