Kamus-ı Muhit - الزمج maddesi

اَلزَّمَجُ [ez-zemec] (fethateynle) Darılmak maʹnâsınadır; yukâlu: زَمِجَ الرَّجُلُ زَمَجًا مِنَ الْبَابِ الرَّابِعِ إِذَا غَضِبَ

اَلزَّمِجُ [ez-zemic] (كَتِفٌ [ketif] vezninde) ve

اَلْمُزْمَئِجُّ [el-muzme΄icc] إِزْمِيجَاجٌ [izmîcâc]dan ism-i fâʹil olarak dargın ve hışm-nâk adama denir; yukâlu: رَجُلٌ زَمِجٌ وَمُزْمَئِجٌّ أَيْ غَضُوبٌ

اَلزَّمْجُ [ez-zemc] (zâ’nın fethi ve mîm’in sükûnuyla) Doldurmak maʹnâsınadır; yukâlu: زَمَجَ الْقِرْبَةَ زَمْجًا مِنَ الْبَابِ اْلأَوَّلِ إِذَا مَلَأَهَا Ve nâs beynini ifsâd edip birbirine düşürmek maʹnâsınadır; yukâlu: زَمَجَ بَيْنَ الْقَوْمِ إِذَا حَرَّشَ Ve bir yere destûrsuz küstâhâne girmek maʹnâsınadır; yukâlu: زَمَجَ عَلَيْهِمْ إِذَا دَخَلَ بِلاَ إِذْنٍ

اَلزُّمَّجُ [zummec] (دُمَّلٌ [dummel] vezninde) Bir nevʹ yırtıcı kuş ismidir, Fârisîde ona du-birâderân derler, zîrâ birisi şikârdan ʹâciz olunca öbür çifti yetişip ona iʹânet eder. Cevherî vehmine mebnî Fârisîde deh-birâderân denir diye resm eylemiştir. Du-birâderân, iki birâder ve deh-birâderân on birâderler demektir. Bu kuşa Türkîde ötlegü ve seksek kuşu taʹbîr olunur. Levni sarıya mâ΄il ve savtı köpek eniği savtına şebîhtir; küçük kuzuları ve çocukları kapıp götürür, onun için bizim diyârlarda ona uşak kapan taʹbîr olunur. Ekserî gece gelip yataktan çocukları ihtitâf eder.

Vankulu Lugatı - الزمج maddesi

اَلزَّمَجُ [ez-zemec] (fethateynle) Gazab maʹnâsına.

اَلزَّمْجُ [ez-zemc] (zâ’nın fethi ve mîm’in sükûnuyla) Meşki doldurmak; yukâlu: زَمَجْتُ الْقِرْبَةَ مِنَ الْبَابِ الثَّانِي إِذَا مَلَأْتَهَا

اَلزُّمَّجُ [ez-zummec] (zâ’nın zammı ve mîm-i müşeddedenin fethiyle خُرَّدٌ [ḣurred] vezni üzere) Bir kuşun adıdır ki ona deh-birâderân derler Fürs dilinde.