اَلصَّبُّ [eṡ-ṡabb] (ṡâd’ın fethi ve bâ’nın teşdîdiyle) Sıvık nesneyi dökmek maʹnâsınadır; yukâlu: صَبَّ الْمَاءَ وَنَحْوَهُ صَبًّا مِنَ الْبَابِ الْأَوَّلِ إِذَا أَرَاقَهُ Ve dökülmek maʹnâsına lâzım olur; yukâlu: صَبَّهُ فَصَبَّ
اَلصُّبَّةُ [eṡ-ṡubbet] (قُبَّةٌ [ḵubbet] vezninde) ve
اَلصُّبُّ [eṡ-ṡubb] (hâ’sız) Dökülen nesneye denir, taʹâm olsun, sâ΄ir nesne olsun, مَصْبُوبٌ [maṡbûb] maʹnâsına. Ve
صُبَّةٌ [ṡubbet] Sofraya denir ki üzerine taʹâm korlar yâhûd sofra makûlesi nesneye denir, tabla ve yassı sepet ve keletir ve tepsi gibi; مَصْبُوبٌ فِيهِ maʹnâsına. Ve at ve deve ve koyun makûlesi hayvân sürüsüne ıtlâk olunur; ʹalâ-kavlin on re΄sten kırk re΄se kadar yâhûd hâssaten deve cinsinden yüzden nâkıs olan bölüğe ıtlâk olunur. Ve insândan bir cemâʹate de ıtlâk olunur. Ve bir mikdârca mâla ıtlâk olunur. Ve havuz ve inâda bâkî kalan su ve süt makûlesi nesne bakiyyesine denir.
اَلصَّبُّ [eṡ-ṡabb] Dökmek; yukâlu: صَبَبْتُ الْمَاءَ صَبًّا مِنَ الْبَابِ الْأَوَّلِ
Sitemizde detaylı hızlı ve kolay arama ekranı