اَلْبِيضَةُ [el-bîḋat] (bâ’nın kesriyle) Toprağı be-gâyet beyâz ve zemîni düz ve emles olan yere denir. Ve hurmâ elvânından bir gûne levn ismidir ki akçıl olmasıdır. Cemʹi بِيضٌ [bîḋ]dir.
اَلْبَيْضَةُ [el-beyḋat] (تَمْرَةٌ [temret] vezninde) İsm-i cins olan بَيْضٌ [beyḋ]in müfredidir ki kuş yumurtasına denir, beyâz olduğu için. Cemʹi بُيُوضٌ [buyûḋ] ve بَيْضَاتٌ [beyḋât] gelir bâ’nın fethiyle. Ve
بَيْضَةٌ [beyḋat] Tolgaya denir ki cenkte başa giyerler. Ve husyeye ıtlâk olunur. Ve her şey΄in havze ve avlusuna ıtlâk olunur ki بَيْضَةٌ [beyḋat] gibi himâyeti lâzimeden olur; yukâlu: فُلاَنٌ يَحُوطُ بَيْضَةَ الْإِسْلاَمِ أَيْ حَوْزَتَهُ Ve bir kavm ve cemâʹatin sâhalarına ve avlularına ıtlâk olunur; yukâlu: حَمَى بَيْضَةَ الْقَوْمِ أَيْ حَوْزَتَهُمْ Ve
بَيْضَةٌ [Beyḋat] Ṡammân nâm mahalde bir mevziʹ adıdır; kesr ile de zebân-zeddir.
اَلْبَيْضَةُ [el-beyḋat] (bâ’nın fethi ve yâ’nın sükûnuyla) Yumurta. Ve demirden tolga ki başa giyerler, yarak te΄sîr etmesin diye.
Sitemizde detaylı hızlı ve kolay arama ekranı