اَلْبَيُّوتُ [el-beyyût] (teşdîd-i yâ ile خَرُّوبٌ [ḣarrûb] vezninde) Soğuk suya ıtlâk olunur, ʹâdetâ üzerinden gece geçmiş su bârid olduğu mülâhazasıyla ki haşem-nişîne mahsûstur; tekûlu: سَقَانِي بَيُّوتًا أَيْ مَاءً بَارِدًا Ve geceden kalmış ekmeğe ve sâ΄ir taʹâma denir ki bayat taʹbîr olunur. Ve şol işe denir ki sâhibi kemâl-i ihtimâmından nâşî gecelerde dahi onun üzerine ola; yukâlu: أَمْرٌ بَيُّوتٌ أَيْ يَبِيتُ لَهُ صَاحِبُهُ مُهْتَمًّا
اَلْبُيُوتُ [el-buyût] ve
اَلْأَبْيَاتُ [el-ebyât] Cemʹi.
اَلْبَيُّوتُ [el-beyyût] (bâ’nın fethi ve yâ’nın zammı ve teşdîdiyle) بَائِتٌ [bâ΄it] maʹnâsına. Ve
بَيُّوتٌ [beyyût] Şol işe dahi derler ki sâhibi onun üzerinde ihtimâm edip geceler.
Sitemizde detaylı hızlı ve kolay arama ekranı