الْقُرْآنُ [el-Ḵur΄ân] (عُثْمَانُ [ʹušamp;mân] vezninde) Tenzîl-i ʹazîz ve Kitâb-ı mübîn ismidir ki Cibrîl-i Emîn vasıtasıyla Server-i enâm Resûlullâh ʹaleyhi’s-salâtu ve’s-selâm hazretlerine nâzil olmuştur. Mü΄ellifin Baṡâ΄ir’de beyânına göre قُرْآنٌ [ḵur΄ân] lafzı fi’l-asl رُجْحَانٌ [rucḩân] gibi masdardır, cemʹ ve zamm eylemek maʹnâsına, baʹdehu Hazret-i Resûlullâh’a nâzil olan kitâb-ı mübînde ʹalem olmuştur, sûreleri cemʹ ve zamm eylediği için yâhûd kasas ve emr ü nehy ve vaʹd u vaʹîd gibi hâlâtı yâhûd cemîʹ-i ʹulûmun semere ve âsârını câmiʹ olduğu için.
اَلْقُرْآنُ [el-ḵur΄ân] (ḵâf’ın zammı ve râ’nın sükûnuyla فُعْلَانٌ [fuʹlân] vezni üzere) Cemʹ etmek; yukâlu: قَرَأْتُ الشَّيْءَ قُرْآنًا إِذَا جَمَعْتَهُ وَضَمَمْتَ بَعْضَهُ إِلَى بَعْضٍ ve minhu kavluhum: مَا قَرَأْتُ هَذِهِ النَّاقَةُ سَلًى قَطُّ وَمَا قَرَأَتْ جَنِينًا أَيْ لَمْ تَضُمَّ رَحِمَهَا عَلَى وَاحِدٍ Ve سَلَى [selâ] bi-fethi’s-sîn şol deridir ki rahimden veled ile bile çıkar. Pes مَا قَرَأَتْ هَذِهِ النَّاقَةُ سَلًى قَطُّ dedikleri kavllerinden murâd مَا حَمَلَتْ وَلَدًا قَطُّ demektir.
Sitemizde detaylı hızlı ve kolay arama ekranı