Kamus-ı Muhit - القنط maddesi

اَلْقَنْطُ [el-ḵanṯ] (ḵâf’ın fethi ve nûn’un sükûnuyla) Menʹ eylemek maʹnâsınadır; yukâlu: قَنَطَهُ قَنْطًا إِذَا مَنَعَهُ Ve

قَنْطٌ [ḵanṯ] Küçük çocuğun çüküne denir.

اَلْقَنِطُ [el-ḵaniṯ] (فَرِحٌ [feriḩ] vezninde) Vasftır ki bâb-ı râbiʹin olacaktır; bâb-ı evvel ve sânîden قَانِطٌ [ḵâniṯ] ve hâmisten قَنُوطٌ [ḵanûṯ]tur.

اَلْقُنُوطُ [el-ḵunûṯ] (قُعُودٌ [ḵuʹûd] vezninde) ve

اَلْقَنَطُ [el-ḵanaṯ] (fethateynle) ve

اَلْقَنَاطَةُ [el-ḵanâṯat] (سَمَاحَةٌ [semâḩat] vezninde) Nevmîd olmak maʹnâsınadır; yukâlu: قَنَطَ الرَّجُلُ قُنُوطًا مِنَ الْبَابِ اْلأَوَّلِ وَالثَّانِي وَقَنِطَ قَنَطًا مِنَ الْبَابِ الرَّابِعِ وَقَنُطَ قَنَاطَةً مِنَ الْبَابِ الْخَامِسِ إِذَا يَئِسَ Ve ammâ: وَأَمَّا قَنَطَ يَقْنَطُ كَمَنَعَ يَمْنَعُ وَقَنِطَ يَقْنِطُ كَحَسِبَ يَحْسِبُ فَهَاتَانِ عَلَى الْجَمْعِ بَيْنَ اللُّغَتَيْنِ Yaʹnî bu iki sîga tedâhül-i lügateyn kabîlindendir. Mü΄ellif tasvîr-i bâbda teşvîş eylemekle şârihin tanzîmi üzere resm olundu.

Vankulu Lugatı - القنط maddesi

اَلْقَنِطُ [el-ḵaniṯ] (ḵâf’ın fethi ve nûn’un kesriyle) Zikr olunan maʹnâyadır, bâb-ı râbiʹden; ve kuri΄e: “فَلَا تَكُنْ مِنَ الْقَنِطِينَ” (الحجر 55) وَأَمّا قَنَطَ يَقْنَطُ بِالْفَتْحِ فِيهِمَا وَقَنِطَ يَقْنِطُ بِالْكَسْرِ فِيهِمَا فَإِنَّمَا هُوَ عَلَى الْجَمعِ بَيْنَ اللُّغَتَيْنِ قَالَهُ الْأَخْفَشُ

اَلْقَنَاطَةُ [el-ḵanâṯat] (ḵâf’ın fethiyle) Masdarlardır bâb-ı râbiʹden, nitekim قُنُوطٌ [ḵunûṯ] masdardır bâb-ı evvelden ve sânîden.