اَلْمُجَلْجَلُ [el-mucelcel] (مُسَلْسَلٌ [muselsel] vezninde) Gürültülü buluta denir; yukâlu: سَحَابٌ مُجَلْجَلٌ أَيْ رَاعِدٌ Ve pek zarîf olup aslâ ʹayb-ı zâhirîsi olmayan adama denir; yukâlu: رَجُلٌ مُجَلْجَلٌ أَيْ ظَرِيفٌ جِدًّا لَا عَيْبَ فِيهِ Ve kuvveti tâmm ve kâmil olan deveye denir.
اَلْمُجَلْجِلُ [el-mucelcil] (ism-i fâʹil bünyesiyle) Kavî ve tüvânâ olan seyyid ve zî-şân adama denir, ʹalâ-kavlin bülend-âvâz olanına denir; yukâlu: هُوَ مُجَلْجِلٌ أَيْ سَيِّدٌ قَوِيٌّ أَوِ الْبَعِيدُ الصَّوْتِ Ve cerî΄ ve deffâʹ olarak nâtıkaya mâlik sühan-ver adama denir; yukâlu: رَجُلٌ مُجَلْجِلٌ أَيْ جَرِيءٌ دَفَّاعٌ مِنْطِيقٌ Ve çok ʹadede denir; yukâlu: عَدَدٌ مُجَلْجِلٌ أَيْ كَثِيرٌ
اَلْمُجَلْجِلُ [el-mucelcil] (mîm’in zammı ve cîm-i sânînin kesriyle) Şol buluttur ki onda raʹd âvâzı ola.
Sitemizde detaylı hızlı ve kolay arama ekranı