اَلْمَفْتَحُ [el-meftaḩ] (مَقْعَدٌ [maḵʹad] vezninde) Hazîneye denir, gencîne maʹnâsına. Ve kenz ve defîneye denir. Ve mahzene denir; bu tekrâr kabîlindendir. Cemʹi مَفَاتِحُ [mefâtiḩ] gelir; ve minhu kavluhu taʹâlâ: ﴿مَا إِنَّ مَفَاتِحَهُ لَتَنُوأُ بِالْعُصْبَةِ﴾ أَيْ خَزَائِنَهُ
اَلْمِفْتَاحُ [el-miftâḩ] (مِصْبَاحٌ [miṡbâḩ] vezninde) ve
اَلْمِفْتَحُ [el-miftaḩ] (مِنْبَرٌ [minber] vezninde) İsm-i âletlerdir, kilîd açacak anahtara denir. Şârihin beyânına göre مِفْتَاحٌ [miftâḩ]ın cemʹi مَفَاتِيحُ ve مِفْتَحٌ [miftaḩ]ın cemʹi مَفَاتِحُ [mefâtiḩ] gelir. Ve
مِفْتَاحٌ [miftâḩ] Deve kısmının uyluğuna ve boynuna basılan anahtar şeklinde damgaya ıtlâk olunur.
Sitemizde detaylı hızlı ve kolay arama ekranı