اَلْمِنْجَدُ [el-minced] (مِنْبَرٌ [minber] vezninde) Küçük dağcağıza denir. Ve bir nevʹ nisvân pîrâyesine denir ki fusûsla müzeyyen olur: hakîkati bir kılâdedir ki inci ve altın ve yüzük kaşı gibi zî-kıymet ahcâr ile yâhûd karanfil ile tezyîn ederler ve bir karış kadar enli olur; hatunlar hamâ΄ilî boyunlarına geçirip kılıç bağı gelecek yerden memeleri altına dek nâzil olur. Cemʹi مَنَاجِدُ [menâcid] gelir.
اَلْمُنَجَّدُ [el-munecced] (مُعَظَّمٌ [muʹażżam] vezninde) Mücerreb maʹnâsınadır ki ism-i mefʹûl ʹunvânıyladır, takallübât-ı dehriyye ile ahvâl-i ʹâleme tecribeleri sebk eylemiş ʹârif ve âgâh adama denir; yukâlu: هُوَ مُنَجَّدٌ أَيْ مُجَرَّبٌ
اَلْمُنَجَّدُ [el-munecced] (mîm’in zammı ve nûn’un fethi ve cîm’in teşdîdiyle ve fethiyle) Mücerreb maʹnâsına; yukâlu: رَجُلٌ مُنَجَّدٌ بِالدَّالِ الْمُهْمَلَةِ وَالذَّالِ الْمُعْجَمَةِ جَمِيعًا أَيْ مُجَرَّبٌ يُقَالُ نَجَّدَهُ الدَّهْرُ إِذَا جَرَّبَ وَعَرَّفَ
Sitemizde detaylı hızlı ve kolay arama ekranı