اَلْمِنْهَالُ [el-minhâl] (مِحْرَابٌ [miḩrâb] vezninde) Deveyi ibtidâ-i emrde çok suvarır olan adama denir; yukâlu: رَجُلٌ مِنْهَالٌ أَيْ كَثِيرُ الْإِنْهَالِ Ve şol yüksek kum tepeye denir ki kumları durmayıp dâ΄imâ harıl harıl aşağı inip obrulmakta ola; yukâlu: كَثِيبٌ مِنْهَالٌ أَيْ عَالٍ لَا يَتَمَاسَكُ إِنْهِيَارًا Ve kabr ve mezâra denir. Ve nihâyet mertebede kerîm ve civân-merd olan adama ıtlâk olunur; yukâlu: هُوَ مِنْهَالٌ أَيْ غَايَةٌ فِي السَّخَاءِ Ve bir arzın ismidir. Ve Minhâl el-Ḵaysî ashâbdandır, ʹalâ-kavlin savâb olan Milḩân olmaktır.
اَلْهَالُ [el-hâl] ve
اَلْأَهْيَلُ [el-ehyel] (أَحْمَرُ [aḩmer] vezninde) ve
اَلْمُنْهَالُ [el-munhâl] (مُنْقَادٌ [munḵâd] vezninde) Ber-karâr olmayıp dâ΄imâ akıp dökülen kuma denir; yukâlu: رَمْلٌ هَالٍ وَأَهْيَلُ وَمُنْهَالٌ أَيْ مُنْصَبٌّ Burada هَالٍ [hâl] هَائِلٌ [hâ΄il] lafzından maklûb ve mahzûfü’l-ʹacizdir.
Sitemizde detaylı hızlı ve kolay arama ekranı