اَلْمِوْرَكَةُ [el-mivreket] (مِكْنَسَةٌ [mikneset] vezninde) ve
اَلْمِوْرَاكُ [el-mivrâk] (مِحْرَابٌ [miḩrâb] vezninde) Pâlânın ön hânesine denir. Ve pâlân minderine denir ki eyer minderi gibi pâlâna rükûb edenler onun üstüne kuʹûd ederler.
اَلْمَوْرِكُ [el-mevrik] (مَجْلِسٌ [meclis] vezninde) ve
اَلْمَوْرِكَةُ [el-mevriket] ve
اَلْوَارِكَةُ [el-vâriket] ve
اَلْوِرَاكُ [el-virâk] (كِتَابٌ [kitâb] vezninde) Pâlânda ve eyerde kaşın iç yüzüne denir ki râkibin ayağına fütûr geldikte büküp وَرِكٌ [verik]ini oraya vazʹ eder. Ve
وِرَاكٌ [virâk] (كِتَابٌ [kitâb] vezninde) Şol zîbâ sevb ve çultar makûlesine denir ki havudun ve pâlânın مَوْرِكٌ [mevrik]ine zînet için vazʹ ve taʹlîk ederler; cemʹi وُرُكٌ [vuruk]tur, كُتُبٌ [kutub] vezninde. Ve şol münakkaş kumaşa denir ki rengîn yünlerden saçaklar ve püsküller yapıp pâlânın مَوْرِكٌ [mevrik]ine geçirirler. Yâhûd şol müzeyyen küçük hırka ve perde makûlesine denir ki pâlânının مَوْرِكٌ [mevrik]ine örtülür, eyer gâşiyesi gibi pâlân örtüsü olacaktır, ekserî cecimden ederler.
Sitemizde detaylı hızlı ve kolay arama ekranı