اَلْمَوْطَأُ [el-mevṯa΄] (مَقْعَدٌ [maḵʹad] vezninde) ve
اَلْمَوْطِئُ [el-mevṯi΄] (مَجْلِسٌ [meclis] vezninde) Bunlar da mevziʹ-i kadem maʹnâsınadır.
اَلْمُوَطَّأُ [el-muvaṯṯa΄] (مُعَظَّمٌ [muʹażżam] vezninde) تَوْطِئَةً [tevṯi΄et]ten ism-i mefʹûldür, düzelmiş ve sehl ve mülâyemet bulmuş nesneye denir; bu münâsebetle ʹArablar sehlü’l-ʹıtf ve mülâyim-meşreb ve mükerrem ve mihmân-dost adama مُوَطَّأُ الأَكْنَافِ [muvaṯṯa΄u’l-eknâf] ıtlâk ederler ve baʹzılar şol adama ıtlâk eder ki elûf ve me΄lûf ve sehlü’l-etrâf ve dil-nüvâz ve hamiyyet-kâr olmakla tarafına taʹalluk ve ilticâ edenler, bî-renc ü meşakkat dâ΄imâ huzûr-ı kalb ve sefâ-yı hâtır ile âsûde-hâl olup katʹâ yerlerinden ayrılmayalar; yukâlu: رَجُلٌ مُوَطَّأُ الأَكْنَافِ أَيْ سَهْلٌ دَمِثٌ كَرِيمٌ مِضْيَافٌ أَوْ يَتَمَكَّنُ فِي نَاحِيَتِهِ صَاحِبُهُ غَيْرَ مُؤْذًى وَلاَ نَابٍ بِهِ مَوْضِعُهُ
Sitemizde detaylı hızlı ve kolay arama ekranı