Kamus-ı Muhit - الهرمان maddesi

اَلْهُرْمَانُ [el-hurmân] (hâ’nın zammıyla) ʹAkl ve hûş maʹnâsınadır; yukâlu: مَا لَهُ هُرْمَانٌ أَيْ عَقْلٌ

اَلْهَرَمَانِ [el-Heremân] (hâ’nın ve râ’nın fethiyle ki هَرَمٌ [herem] lafzından tesniyedir) Mıṡır’da iki kadîm binâya ıtlâk olunur ki onları Hazret-i İdrîs ʹalâ-nebiyyinâ ve ʹaleyhi’s-salâtu ve’s-selâm tûfândan ʹulûmu hıfz ve vikâye için binâ eylediler, yaʹnî kitâblarını onda vazʹ ve hıfz eylediler. ʹAlâ-kavlin Sinân b. el-Muşelşel binâ eyledi yâhûd eslâftan baʹzı kimseler ki murâd selâtîn-i Mıṡr’dır, binâ eyledi, fenn-i nücûm delâletiyle tûfân-ı Nûḩ ʹaleyhi’s-selâm zuhûrunu idrâk eylemekle tıbb ve sihr ve nîrencât ve tılsım makûlesi fünûnu onda vikâye yaʹnî cidârlarına resm eyledi.

Vankulu Lugatı - الهرمان maddesi

اَلْهُرْمَانُ [el-hurmân] (hâ’nın zammı ve râ’nın sükûnuyla) ʹAkl, hıred maʹnâsına; yukâlu: مَا لَهُ هُرْمَانٌ

اَلْهَرَمَانِ [el-Heremân] (fethateynle) Mıṡır’da bir binânın ismidir. Ve Ḵâmûs’ta هَرَمَانِ [Heremân] iki binânın ismidir ki onları İdrîs-i Nebî ʹaleyhi’s-selâm binâ΄ etmiştir, tûfândan ʹulûmu hıfz etmek için demiştir.Pes bu takrîrden هَرَمَانِ [Heremân]ın müfred olması ve tesniye olması câ΄iz olmak fehm olunur, gâh iʹrâb bi’l-hareke ve gâh iʹrâb bi’l-hurûf ile istiʹmâl olunmak buna binâ΄endir. Tesniyede iʹrâb bi’l-hareke lügat olduğuna binâ΄en değildir, nitekim baʹzı ʹulemâdan böyle nakl olunmuştur. Ve muʹarref bi’l-lâm olması vazʹen ʹalem olmasın işʹâr eder.