اَلْوِشَاحُ [el-Vişâḩ] (كِتَابٌ [kitâb] vezninde) Şeybân en-Nehdî nâm kimsenin kılıcı ismidir.
اَلْوُشَاحُ [el-vuşâḩ] (vâv’ın zammı ve kesri ve şîn-i muʹceme ile) Nisvân-ı ʹArab huliyyâtından şol gerdanlığa denir ki inci ve sâ΄ir cevâhirden her iki dânenin aralığına nevʹ-i âherden birer dâne tesvît ederek iki kor dizerler. Ve evvel iki korun birisini âheri üzere munzam ve maʹtûf ederler. Kezâlik وُشَاحٌ [vuşâḩ] şol huliyye denir ki bir ʹarîz meşîn pâresini envâʹ-ı cevâhir ile tersîʹ ve tezyîn edip hatunlar onu hamâ΄ilî takınırlar. Ve vâv’ı hemzeye ibdâlle أُشَاحٌ [uşâḩ] dahi derler. Cemʹi وُشُحٌ [vuşuḩ] gelir zammeteynle ve أَوْشِحَةٌ [evşiḩat] gelir ve وَشَائِحُ [veşâ΄iḩ] gelir. Ve kinâye tarîkiyle ince belli hatuna غَرْثَى الْوِشَاحِ [ġaršamp;a’l-vişâḩ] ıtlâk ederler; yukâlu: هِيَ غَرْثَى الْوِشَاحِ أَيْ هَيْفَاءُ Ve غَرْثَى [ġaršamp;â] aç hatuna denir.
اَلْوِشَاحُ [el-vişâḩ] (vâv’ın kesriyle) Bir nesnedir ki sahtiyândan örüp üzerine cevâhir koyup ʹavretler hamâ΄il gibi boynu ile böğrü arasına asarlar.
Sitemizde detaylı hızlı ve kolay arama ekranı