بِسْطَامُ [Bisṯâm] (bâ’nın kesriyle) Esmâ-i ricâldendir. Bisṯâm b. Ḵays b. Mesʹûd, Şeybân kabîlesinden bir kimsedir. Ve
بِسْطَامُ [Bisṯâm]Îrân’da bir belde adıdır; bâ’nın fethiyle de zebân-zededir yâhûd fethi lahndır.O beldede göz ağrısına ve ʹârıza-i ʹaşka mübtelâ olmuş kimse mer΄î olmamıştır; eger onlardan biri o beldeye vürûd eylese bi-iznihi taʹâlâ ifâkat bulur; ʹârif-i maʹrûf Ebû Yezîd-i Bisṯâmî ve muhaddisînden ʹÖmer ve Muḩammed ibnâ Muḩammed ve Ḩuseyn b. ʹÎsâ el-Bisṯâmiyyûn oraya mensûblardır. Ve ʹAlî b. Aḩmed b. Bisṯâm el-Bisṯâmî ceddine mensûblardır, bu dahi muhaddistir.
بِسْطَامٌ [Bisṯâm] (bâ’nın kesri ve sîn’in sükûnuyla) Esmâ΄-i ricâldendir; ve lâkin esmâ΄-i ʹArabdan değildir. Ve Ḵays b. Mesʹûd oğluna Bisṯâm diye tesmiye kılındı, بِسْطَامٌ [Bisṯâm] Fâris meliklerinden bir melikin ismi olduğuna binâ΄en, nitekim Ḵâbûs ve Daḣtenûs’la tesmiye kılarlar. Pes بَسْطَامٌ [Besṯâm]ı taʹrîb edip bâ’yı meksûr kıldılar.
Sitemizde detaylı hızlı ve kolay arama ekranı