Kamus-ı Muhit - تبع maddesi

اَلتَّبَعُ [et-tebaʹ] (fethateynle) Tâbiʹ maʹnâsınadır, vasf bi’l-masdar olmakla müfred ve cemâʹate ıtlâk olunur ve أَتْبَاعٌ [etbâʹ] üzere cemʹlenir; yukâlu: هُوَ تَبَعُهُ أَيْ تَابِعُهُ وَهُمْ تَبَعُهُ وَأَتْبَاعُهُ Ve

تَبَعٌ [tebaʹ] Dâbbenin ayaklarına ıtlâk olunur; yukâlu: دَابَّةٌ شَدِيدَةُ التَّبَعِ أَيِ الْقَوَائِمِ

اَلتُّبَّعُ [tubbaʹ] (سُكَّرٌ [sukker] vezninde) Gölgeye ıtlâk olunur, şemse tebaʹiyyeti için; yukâlu: إِسْمَأَلَّ التُّبَّعُ أَيِ ارْتَفَعَ الظِّلُّ Ve yeʹâsîbden yaʹnî arı kısmının bey taʹbîr olunan ser-gerdelerinden bir nevʹinin ismidir ki beylerbeyileri olacaktır; yukâlu: تَبِعَتِ النَّحْلُ تُبَّعَهَا وَهُوَ ضَرْبٌ مِنَ الْيَعَاسِيبِ يَعْنِي يَعْسُوبَهَا الْأَعْظَمَ Cemʹi تَبَابِيعُ [tebâbîʹ] gelir. Ve

تُبَّعٌ [tubbaʹ] Nâs maʹnâsına müstaʹmeldir; tekûlu: مَا أَدْرِي أَيُّ تُبَّعٍ هُوَ أَيْ أَيُّ النَّاسِ Ve Aḩmed b. Saʹîd et-Tubbaʹî muhaddistir.

Vankulu Lugatı - تبع maddesi

اَلتُّبَّعُ [et-tubbaʹ] (tâ’nın zammı ve bâ’nın fethi ve teşdîdiyle) Vâhidi. Ve

تُبَّعٌ [tubbaʹ] Gölgeye dahi derler, ظِلٌّ [żill] maʹnâsına. Ve sultâna ظِلُّ اللهِ dediklerine binâ΄en ihtimâldir ki melike تُبَّعٌ [tubbaʹ] demiş olalar, bu zikr olunan nüsah-ı Cevherî’nin zâhirinden fehm olunandır. Ammâ ʹibâre-i Ḵâmûs’ta gölge maʹnâsına olan تُبَّعٌ [tubbaʹ]ı zammeteynle tashîh etmiştir. Ve

تُبَّعٌ [tubbaʹ] Bir cins kuşun ismidir. Ve Ḵâmûs’ta ضَرْبٌ مِنَ الطَّيْرِ bedeline ضَرْبٌ مِنَ الْيَعَاسِيبِ demiş ki يَعْسُوبٌ [yaʹsûb] arı beğine derler. Bu takdîrce يَعْسُوبٌ [yaʹsûb]a تُبَّعٌ [tubbaʹ] ıtlâkı teşbîhen olmak ihtimâli vardır.