سَلُوقُ [Selûḵ] (صَبُورٌ [ṡabûr] vezninde) Yemen’de bir büyük karye adıdır, onda aʹlâ zırhlar çıkar ve yavuz kilâb ona nisbet olunur; ve minhu: اَلسَّوْقِيَّةُ كَالْكِلاَبِ السَّلُوقِيَّةِ Baʹzılar Ermîniyye tarafında bir beldedir dediler. ʹAlâ-kavlin zırhlar ve köpekler سَلَقْيَةُ [Selaḵyet]e mensûblardır ki fetehâtladır, Rûm ülkesinde bir beldedir, nisbetlerinde سَلُوقِيَّةٌ [Selûḵiyyet] unvânı tagyîr-i niseb kabîlindendir. Ve aʹlâmdan Aḩmed b. Revḩ es-Selaḵî o beldeye mensûbdur. Şârihin beyânına göre سَلْقَيَةُ [Selḵayet] fi’l-asl sâhil-i Anṯâkiyye’de bir belde idi, hâlen harâbedir.
سَلُوقٌ [Selûḵ] (sîn’in fethi ve lâm’ın zammı ve meddiyle) Yemen vilâyetinde bir karyenin ismidir ki ona dürûʹ ve kilâb nisbet olunur. دُرُوعٌ سَلُوقِيَّةٌ ve كِلَابٌ سَلُوقِيَّةٌ derler. Baʹzılar eyitti:سَلُوقٌ [Selûḵ] اَللَّانُ [el-Lân] demekle maʹrûf şehrin ismidir ki كِلَابٌ سَلُوقِيَّةٌ ona nisbet olunur.
Sitemizde detaylı hızlı ve kolay arama ekranı