عُطَارِدُ [ʹuṯârid] (ʹayn’ın zammıyla) Ḣunnes aksâmından yaʹnî seyyâre cümlesinden bir kevkeb adıdır, semâ-i sâdisede olur. Ve عُطَارِدُ [ʹuṯârid] lafzı munsarıf ve gayr-i munsarıf olur. Mü΄ellifin semâ-i sâdisede olur demesi yukarıdan aşağıya ʹadd iʹtibârıyladır ki hilâf-ı müteʹâreftir. Serîʹü’s-seyr olduğu bâʹis-i tesmiyedir, mâdde-i merkûmeden me΄hûzdur. Ve
عُطَارِدُ [ʹUṯârid] Benû Temîm kabîlesinden bir recül ismidir ki müteʹallakâtıyla Ebû Recâ΄ ʹİmrân b. Milhân nâm kimsenin kavmi idi. Ve ʹUṯârid b. Ḩâcib b. Zurâre şol kimsedir ki bir hulle-i fâhiresi var idi. Bir gün Fârûḵ-ı aʹzam hazretleri o hulleyi pazarda mezâd olurken görmekle Resûl ʹaleyhi’s-selâm hazretlerine “Hulle-i mezbûreyi iştirâ buyursanız cumʹa günlerinde telebbüs buyururdunuz” dediler. Ve “ق،و،س” mâddesinde mezbûrun menkabesi mastûrdur.
اَلْعُطَارِدُ [el-ʹUṯârid] (ʹayn’ın zammı ve râ’nın kesriyle) Bir yıldızın adıdır, خُنَّسٌ [ḣunnes]ten. Ve خُنَّسٌ [ḣunnes] ḣâ’nın zammı ve nûn’un teşdîdi ve fethiyle gizlenen nesnelerdir, zikr olunan yıldızlar gâhî gurûb ettiği için خُنَّسٌ [ḣunnes] derler. Ve
عُطَارِدٌ [ʹUṯârid] Temîm’den bir cemâʹatin adıdır ki onlar Ebî Recâ el-ʹUṯâridî demekle maʹrûf kimsenin kavmidir.
Sitemizde detaylı hızlı ve kolay arama ekranı